حلول ‏منزلية مجربة لعلاج ‏البواسير ‏2024

0
 واش قالو النسا في الجزائر على طرق وحلول لعلاج وتخفيف آلام البواسير.2023
سلام أخواتي... راني نعاني من بواسير
 ما بعد الولادة انصحوني بطرق منزلية تعالجهم ولا تخفف من الألم تاعهم، ولا اقترحو عليا لامارك تاع بوماد مليحة تعالجهم وجزاكم الله كل خير.


Om mira:صابون الحجرة ضربة ضربة أختي بربي ... وديري القطران بصح تحملي شوي تلهبي تحرقي من القطران شوي وصايي بصح ضربة ضربة  .

Khadija : عشبة المريوت تطحنيها وتبليها بزيت الزيتون واصنعي منها تحميلات صغيرة 
فقط جربي كمية صغيرة أولا من اجل معرفة الحساسية اذا مرت العملية بسلام واصلي العلاج وهو فعال جدا ان شاء الله 
يمكن أستعمال تحميلة واحدة او اثنين باليوم وربي يجعل الشفاء

Latifa:كمدي بالباذنجان /ديري فيه شوي زيت وتشويه خليه دافئ وديريه رح تحسي براحة وادعيلي.

Om lodjain : جيبي مريوت و شويا ملح و اطحنيهم و حطيهم على البواسير، ولا جيبي زيت ضرو ديريها فالفوطة الصحية بصح عمريها ضربة وحدة.

Mamat Ranim: زيت الضرو ضربة بضربة مام انا دارو فيا حالا مي دوك حمدلله .

Siham:روحي ديري دنجال، جيبي حبة وقطعيها وسخنيها على النار وحطيهاعليهم.

  Lamis:راني كيفك روحت للطبيبة عطاوني بومادة وضرك راني ندفي زيت الزيتون وندير القطن ونحط عليهم شغل نكمد  والله غير لباس لازم داومي كل ليلة وربي يشفينا.

Rime: زيت زيتون سخونة في قطنة وحطيها عليهم.وكولي الحاجة لي تجري الكرش حتى ترتاحي.

Dalila: كي تدخلي توالات استعملي سورانغ فيها زيت الضرو ولا زيت زيتون وفرغيها لداخل وين كاين البواسير يخف عليك الألم.

Ranim : كاين مرهم تخدميه بزيت الزيتون شمع النحل قليل من العسل واصفر بيضة واذا تحبي زيديلهم زيت الضرو من اول إستعمال يعطيك نتيجة حتى ولو كانو بواسير تاع عملية، للعلم لست أروج منتوجا أو اتقاضا عليه المرا لي تخدمو قاتلي لله في سبيل لله اعطي المحتاج الوصفة وانا مرت خويا جربته وناس بزاف انتشلهم من غرف العمليات وبراو دون دواء ولا حاجة الى عملية جراحية
المقادير بالضبط: يؤخذ ملعقة كبيرة ونصف من شمع نحل(مقدار مثلث من جبن يعني للتوضيح فقط باه تعرفو شحال المقدار) تذوب في حمام مريم bain Marie وعندما تذوب تخلط مع كأس (160 إلى 200) ملل زيت زيتون  ويترك الخليط يبرد قليلا، ثم تضاف له ملعقة كبيرة من عسل النحل و صفار بيضة نيئة وتخلط جيدا وفي الاخير نضيف للخليط مقدار ملعقة كبيرة زيت الضرو، يوضع المرهم في ضمادات (كومبراس) ويوضع على الدبر اكرمكم الله مرة أو مرتين في اليوم حسب الحاجة وهو سريع المفعول 
ملاحظة لي عندها مرهم الحروق لي مخدوم بالشحم تاع الجمل تان مفيد تقدر تستعملو

Om sojoude: العسل حر ولا بوماد 

Wafaa: ميبو و لا شحمة الناقة مع زيت الزيتون.

 Salima:ماكاين حتى حل ماعدا الرجيم حاولي تنقصي العجائن وتاكلي الخضر والفواكه حتان يتفشو ويذوبو وربي يشافيك .

Loubna: كولي بيطراف صباح على لفراغ وشربي سيرو ايزيلاكس وزيدي شربي معاه كاس ماء دافي باهماتديرلكش إمساك وتزربي تريحي.

 Nassema: هزي عصير ليمون  يكون  بارد جدا في كونبراس وكمدي وشوفي الفرق.

Om sami: شدي أوراق النعناع أخضر  فتتيه في يدك مليح ثم ضيفيلو قطرتين  أو ثلاثة زيت زيتون وعجنيها بصبعك   من بعد حطيها في المكان؟؟؟؟ مي اصبري على لحريق تاعها راكي تلقاي  تحسن في مدة زمنية قليلة.

Hadil: ديري زيت الضرو في سورانغ و ديريها من لور حاشاك  كل يوم باذن الله ترتاحي .. هذي طريقة مجربة.

Farah: دبس التمر مع بصلة مقطعة مشرملة وزيت زيتون ... الوصفة كاينة في اليوتوب وجربتها هي الوحيدة لي فادتني. 

Salma: ادهني بزیت الحبة السوداء مرتین أو ثلاثة فی الیوم ... وربي يجیب الشفاء.

 Razika: قطران ضربة بضربة ديري صبعك في لقطران وتدهني بيه لبواسير ديريها ثلاث مرات في الاسبوع وداعا بواسير عن تجربة.

Lamia: صرالي هك بعد ربي ي باذنجان ديرو شرائح وتشويه على الجمر وتغطسو في زيت زيتون وديرو حشاك في مقاعدها ودفي روحها مليح مليح وربي يشافيها

Fadoua: لعسل الحر ضربه ضربه

Loubna: كاينة بوماد himo +ضربة ضربة مجربينها.

Kamilia:بوماد سيكلار

Loudjaine: بيض نجاان تقص رونديلة وتحكها عليهم مدة 5د وتغسل بالما السخون وتكرررها 3 مراات في اليوم ولا باس طهورا ان شااا الله.

Hanine : زيت زيتون سخني وديريه

Wafa: زيت الضرو الاصلي الاصلي الاصلي لي يعصروه مش لي تلقاوه فلومبالاج

Joujou: زيت زيتون وعلك الصنوبر تسخنهم حتى يذوب وتمسح بقطن وربي يرزق الشفاء 

Om mina:  مكانش كيما تيتاتورين واذا خرجولها برا تزيد دير صوليسيو  هاذو الي نفعوني كي ولدة

Nabila: تحبس دوا تاع الحديد هذاك هو لي يديرهم اختي كي زيدت شرباتو صرا فيها الباطل  وانا مشربتوش والحمد لله موجعونيش.

Nour : تسخن رونديلة تاع بصلة وتغطسها في زيت زيتون ضربة ضربة كتبرد تعاود تسخنها  يدخلو .

Wafia: Ya khoti golha dir لخبيز hadik lhchicha tharsha w dirha m3a zit ziton dafiha w dirha darba darba w rabi ychfiha 😇😇

Lamis: انا درت زيت اللوز رحمة من عند ربي 

Mira: تروح للفارماسي يعطيها واحد السيرو هو عبارة على زيت اسمو البرافين هاذي تمشي الكرش والبواسر ديرلهم بومادا اسمها تيتانورين ضربة بضربة ربي يشفيها.

Farah : شوفي اختي ماكلاه تخلطي كاين بوماد ضربة وحدة وسمها anusol الي يقدر اجيبهالك من فرنسا واذا مالقيتيش ديري تاع الجزاير بوماد وشميعة في نفس الوقت فالليل الصباح اروحوا كامل ضربة وحدة.

 Amel: ديري شحمة البعير مع عشبة الخياطة هرسيها وغربليها وخلطيهم مع بعض وديريهم شميعات.

لا يوجد تعليقات

أضف تعليق