☺️حراير .. سلام عليكم واش ديرو لحموضة المعدة ولحريق باه تروحلي تعيشو جاوبوني من فضلكم.
Mina: اشربي protonمليح بزاف
Laila: سيرو بيبتيداك ناكل زرودية ولفول ليابس امضغي شينقوم وياربي هههه.
Dalila: كولو الزرودية ونوضو بركاكم من الدواوات فيها الفايدة عظيمة
عكس الدوا ينفع جيهة ويضر جوايح بزاف.
Om Takoua: الحليب بارد ينفعك وكاين دوا اسمو ابيتيدين روعة تاع اقراص انا دينا نمشي بيه كي نكون حامل.
Rima: كوكاو ماشي مڨلي كولي شوية مرة على مرة انا حمدالله نقصلي شوية الحريڨ.
Dima: نوباك ضربة ضربة
Fati: اكتيفيا هي الي نفعتني برك كي كنت حامل.
Om Rama: كولي فرماج وتاني فنجان ماء زهر اشربيه مليح تم تم ليسطومة .
Rahma: انا سوفريت بيها 8 اشهر كنت ناكل الرمان بكشف تاعو نبرجو كي الدلاع وناكل يطفي شوي.
Sirine: ديري في فمك حبة حمص يابسة وبقاي تمصي فيها خاصة بعد العشاء ومجربتها انا وصبري ختي كلش يفوت وتلقاي احلا مولود بين يديك ربي يسلكك بخير
.
Om Adam: ديري قرعة زجاج فيها الماء وحطي فيها حبات لبان وخليها في لفريجيدار كل ما تحسي بالحريق اشربي كاس.
Zahra: لانو علميا الحموضة المضاد تاعها حاجة قاعدية يعني base والحليب قاعدي متاكليش الصوالح ليديرو الحريق كيما المرقة والحريرة والعلك لي هو الشويغوم واشربي الماء بزاف انا طيلة 9 اشهر مشربت حتى دوا والحمد لله .
اشربي حليب تع لحضة خلاطيها شوي ثقيل واشربيها بارد مليح ينقص عليك شوي اوفيها كلسيوام
Ghalia:راه الحريق يجينا من ليزيبيس افيتيوهم عليكم ورجعولي بالخبر انا كي نطيب بيهم نعشي نعااااني وعندي يومين مطيبتش بيهم راني الحمد لله متقولوش مجيش ماكلة بنينة يا خياتي انا والله منستعمل اللحم وليزسبيس بزاف الله غالب وجيني ماكلتي بنينة الحمد لله.
Souad: انا بصراحة ملي درت نظام تع ماكلة ما ولاش كامل يجيني لحريق وليت نتقهوا الصباح قهوة حليب مع طرف خبز و فرماج و مبعد نتغدا الي نحبو ناكل وش نحب و العشاء مانتعشاش نخلي معدتي فارغة والله رحمة ربي .
Bouchra: فول'يابس'كولي'وادعيلي.
Om Djanna: جربي حليب لغبرة(لحضة) في ماء بارد وخليها ثقيله انا هذا دوايا.
Mariem: بيبسان صاشيات ضربة وحدة حتى انا نعاني غير هو لي ساعدني.
Om Mohamad: السبب نتاعها انو لبيبي يضغط على ليسطوما تبدى ترجع فلاسيد لي فيها ننضرو
Fatiha: كنت هكا في الوحم دارتلي ماما قشور رمان مرحى بودر نص مغرف قهوة في كأس حليب بارد على لفراغ صباح و ليل لا حبيتي كي تجي ترقدي وينفع حتى في كالسيوم تقويه عندك ضربة ضربة تفكريني بدعوة اختي.
Om Fatima:امضغي الشوينڨوم توجووووور وكاين دوا اسمو ڨافيسكون مليح روعة.
Hiba: شتي غبرا تاع قهوة. حطيها في فمك. و شربيها بلما دربا دربا.
Mamata Anas: كولي الخرشف انا مجرباتو كي يديرلي لحريق نوكلو ولله ضربة ضربة.
Dima: انا مانفعني غير سيرو نوباك و نتي اذا شربتيه او مانفعكش عليك او على الفول ليابس امضغي حبة حتى تولي حليب في فمك وابلعيها ضربة ضربة.
Dounia: اشربي مالوكس ولا نوباك كي تجي ترقدي خلي المخدة عالية باه الحموضة ما تطلعش ليك من المعدة.
Hanine : اختي عن تجربه في دقيقه ياغورت اكتيفيا انساي لحريق كنت بالحمل في الثامن والتاسع غير بيه هاااايل.
Aïcha : أنا تاني راني في شهر السادس وقتلني الحريق من شفت فل يوتيوب قالك مضغي نعناع نفعني ومتأكليش ماكلا ثقيلا فل العشاء وترقدي دوري.
Siham: انا كنت ناكل البن ونشرب وراه الماء باش ما تشرقيش ثم بعد يحبس الحريق وخاصة اللبن تع القرعة ضربة بضربة جربيه وردي بالخبر.
Hala : البسباس أو سلاطة خضراء بلا زيت بلا خل احسن من زرودية.
لا يوجد تعليقات
أضف تعليق