واش قالو النسا في الجزائر على طريقة التخلص من الص اصير في المنزل
سلام لبنات 👋
شكون تعرف طريقة للتخلص من قرلو قريب يرحلني ويسكن بلاصتي كل يوم نقي ودرت لغبرة تاع ساشي الخضرة جربت شحال من حاجة يروح نهار غدوة يجي
Mariem:ديري لقرفة يكره ريحتها
Om sousou: اغلقي ثقابي تحت بوطاچي و ديري دوا كل يوم علاخاطر هو يموت يفقس البيض تاعو عاودي ديري دوا و الصح الثقابي اغلقيهم
Raouia: عليك وعلى القطران ختي انا عندي جاردا كان يخرج منها ملي درت القطران قاع على الدار او مام فالشنابر فالكوانات مازدتش شفتو درتو بالمطرق تاع الشوا تاع الحطب وليت نعمرو او نمشي مع البلانت قاع الدار
Om Fifi: متخليش الخبز و الماكلة على براء وغسلي لماعن في وقتهوم درك اروح
Salima: عليك وعلى الفلفل لحمر يابس احرقيه سكري الحاله مع لغبره نتاع ساشيه خضرا ولازم تغيبي على خاطر تتخنقو من ريحه اي حاجه تموت مش شرط قرلو.
Chaima: ساشيات الخضر روعة مايبقالوش حتى اثر حطيه شايح في الشوك ورا الكويزينيار والفريجيدار في البلايص خاطي واين يوصلو اطفالك
Amani:استعملي هيلاك تلقايه عند العشاب
Mounia: قريلو يبغي جافيل عليها راه عندك قطعيه يامات وديري صانيبو وتشوفي يكره ريحة صانيبو وحدة حطتها ستاتو وانادرتها والحمدلله راحلي.
Hdafidha: اشري توب يشبه لابوماد مكتوب على العلبة قرلو مات ينقطع ضربة واحدة.
Naima: جيبي قط ربيه، هو يستكلف بيه
انا ما فاد فيه والو من غير القطة، تبات تصيد فيه.
Taouba: لا برودوي لا والو عليك بتغيير قناة الصرف هذاك هو أساس المشكلة.
Om Sirine: في الليل صبي روح الملح في قناة الصرف وخليه يبات بلا متصبي عليه الماء حتان الصباح
Batoul :ماما درات لفليطوكس في ليل وتبلع الكوزينة وصباح تبكر عليه تغلي لماء في قازار كبير وتبدى تقيس في الماء لغالي في الاماكن لي فيها لقرلو خاصة لبوطاجي وحوسي على كاش ثقوب هي سبب في خروج لقرلو وغلقيهم بالبلاط ماما راهي اكثر من عشر سنوات مارجعلهاش هذي تجربة امي.
Samia:حاشاك اغلقي كاش روڨارا عندك فالدار وصبي الما فلافابو بعد ماتغسلي لماعن
Hassiba: حاشاك اغلقي كاش روڨارا عندك فالدار وصبي الما فلافابو بعد ماتغسلي لماعن
Maroua: عن تجربة حكي الطابشير في الأماكن الي يخرج منها قرلو ومتقيسهش بلما متزيديش تشوفيه وكلما تسيقي وتقيسيه زيدي عاودي الطابشير
Maiada: يلزم تغلقي بسيمان بلو الكوانات الا عندك وتحت العيون يلزم تشوفي منين راه يخرج وتخدمي حالتك وعليك وعلى دوا
Siham: ديري طبشور خاص ب القرلو راه عند الكونكيري
Om Ali:اشري prodéal Anti Cafardsينتباع عند الكانكايري روعة..ديريه قاع الحشرات تختفي...لانو ريحتو قوية و ما تحبهاش الحشرات.. شريتو غير هاذ السمانة في نهار قضيت على القرلو و النمل و الرتيلة
Om Ritadj: اشري طباشير نتاع قرلو عند كانكايري انا ضربا ضربا مزدش شفت ريحتو
Nina: ختي ديري القرفة فالكوانات كامل تاع الدار وداومي عليها للعلم بصح هي ما تقتلوش تهجرو
Mira: بلاك عندك كاش موبل قديم يعشش فيه؟
Rabiaa: Choufi hadi ediha ml 3andi ana vétérinaire w seyitou rohi 3and vétérinaire 9olilou ymdlk sebacil hada dwa antiparasitaire ytkhalat bl ma 9olou ymdlk ghir 9is 10 mil diri khatra 2 yroh ana jarbtou w kayn li yjou yedouh l nmel tan efficace
Om Anes:انا كنت كما انتي كل ما ندير الدوى الوحد نهار كرهت فرغت كوزينتي ودرت الصقه انتاع الفئران وغلقت التقابي الي تحت البوكاجي كامل بسيمان البيضاء درك راحلي
Ranim:حطي الكافور فالروقار ميزيدش يخرج
Tina:أنا قريب هبلت منوا ثلث سنين وانا نعاني لازم تخرجي كامل كامل واش كاين في الكوزينة لبرا و تنقي بالحاجة و تغسلي بالجافيل.وتغسلي الكوزينة كامل وتقفلي الثقابي و تفرغي الدواء فوق الخزاين و تحت البوطاجي.المهم كامل البلايص ليتخبى فيهم ديري الدواء.كترقدوا كامل نوضي فليل تلقاي لمزال خرج اقتليه ملاحظة لازم تقتلي الأنثى لتولدهم جي كبيرة ولا ميروحلكش.
Lamia:فورس اكسبراس فليت روعه
Om Rami:الزيت المحروقة انتاع السياراة ضربة ضربة سيحيها في البالوعاة
Bouthaina:عجوزتي دارت دوا اللي يقتل العقرب بصح كي ديريه في بيت لازم ماتدخليهاش بيسك ريحتو تقتل يعني ديريه كي تروحي ضيفة و تباتي ضربة بضربة
Om Aridj:كاين دوا عند الكونكاري اسمو هيلاك ديريه فالليل وصباح تلقاي المجزرة تاع قرلو كي تسيقي ديري حبات من مسك الكافور تحت البوطاجي مايوليش يرجع
Niaama:روحي عند البيطري يعطيك الدواء معاتش تشوفي ريحتو
Nabia: كاش ماعندك ثفبة كامل فرميها بالجير والا السيما البيضة وبنتري اللوح يشم ريحة البنتورة يهرب بلاك راه والد في اللوح يموت عليه وكاين مبيد يتخلط بالماء ويترش روحي لوين يبيعو المبيدات الزراعية وقلو اعطيني دواء النمل والحشرات والناموس يتخلط بالماء ويترش ولكن عندك ريحتو خطيرة لازم تغلقي الابواب والتيقان وترشيه ومتقعديش وين رشيتي
Saoussane:نقصي استعمال الجافال يموت عليه غي تحبسي الجافال و اديري الدواء تع الساشي لخضر يرحل ما تزيديش تشوفيه .
Om leila: ديري بوماد اسمها قرلو مات حطيها فالشوك وفالخزاين وجميع بلاصة يقدر يكون فيها عن تجربة نحكيلك والله متلقايه وين يروح الله اعلم بصح مبقاش يدور فالدار.
شكرا
ردحذفشوهي ختي حتى حنا عندنا وماما جربت كلش ومبغاش اليروح قالها ارواح انتي وخرجيني مالا واحد النهار واش دارت جاب بابا المازوت وحطوا في القراج تاهنا جات مام دخلت للقراج يخي القاتو وحكمت بعثت ختي صغيرا للجداتي وحكمتني انا وبدينا نرشو ونعاودو وهو يخرج ويتحرق من هداك النهار مزدنا تلاقينا بيه وماما واش فرحت كي راح 😉
ردحذفالحمد لله تهنيتو منو.. من أصعب الحشرات لقرلو أو الحشرة الدبابة.
حذفههههههه
ردحذف