واش قالو النسا في الجزائر على طريقة التخلص من ديدان البطن لدى الأطفال
سلام اخواتي 👋
تعيشو محتاجة طريقة تعيشو للتخلص من ديدان البطن ولدي في عمرو 6سنوات لقيت فيه وخفت يعديني معاه بحكم انا لنغسلو اني راح نزيد نشرح لناس لي تفتي كيما تحب هي المرحاض تاع الكرسي قالولي يعدي الدار كاملة.
Om sousou: كاين دوا تاعهم يتباع عند لفرمسي اختي
Raouia: ديري زيت الضرو في 💉💉💉 و فرغيها داخل المقعد تاعو حشاك ضربة ضربة
Om Fifi: طريقة باه يروح بيتي فص ثوم كسريه شوية وبيتيه في كاس حليب والصباح كي ينوض جيعان يكون الدود يستنى ياكل شربيهولو ضربة وحدة بالسيف عليه ذوقو لا يحتمل عن تجربة
Chaima: Barış Güvercini اشري سيرو فلوفيرمال يدير 30الف شربيها 3ايام وحبسي من بعد 12يوم زيدي شربيها 3ايام اصلا قرعة فيها 6مغارف برك بصح علاج فعال
Amani:اختي نمدلك طريقة مدتهالي وحدا ضربة ضربة ديري كأس ماء يغلي وديري فيه مغرفة تاع العشاء ملح وديريها جوتابل مليانة مش سخون دافي برك وديريهلها من تحت درك يحكمها وجاع تروح تخمج تخمج خماج مع الدود لي فكرشها كل ومن الاحسن ديريها محيبسة باه تشوفي واش خرج
Samia:الزريعة تع الكابويا تغليها شربيهالوا على الفراغ الصباح قبل الفطور مجربة وجابت نتيجة
Hassiba: نعم يعدي حتى لفراش يتغسل حوايجو اديه لطبيب احسن احنا ماناش اطباء
Maroua: فلوفيرمال بدون منازع واه يعدي خاصة الام بحكمها أكثر احتكاك بولدها
Maiada: تشري الملح هذاك الخشين ورميه فالتوالت كلما يدخل
Siham: ديريلو ثوما صغيرة كي شميعات و عطيه يبلع وحدا مدة 3 أيام ما تزيديش تشوفية حتى بنتي صرالها هكدا و راحلها غير بالثوم
Om Ali:تحكمي زريعة الكابوية ( اليقطين). تشيحيهم مليح يولو يابسين وهرسيهم ولا ارحيهم مليح وخليهم بقشورهم مش تقشروهم الفايدة في لقشور يا خوتاتي وديرلو لولادكم صباح مع لحليب ولعشيا كي يحبو يرقدو
Om Ritadj: عليك وعلى ماء والملح دريهم في ابرة وديرهم لو والله ضرب بي ضرب انا عن تجربتي مع ابنى وتشوفي
Nina: انا ما نعرفش لكن إذا لقيت نيشان الدود ديريلها منقوع النوخة مفيد جدا جدا أعطيه كمية قليلة على حساب سنه
Mira:الشيح بصح لزم طفلة متشمش ريحة شيح هو يغلي خطرش دود يتخبا فبلايص وما ميموتش كل هك قريت عنو فلنترنت
Saloua: أوراق الخوخ غليها ويشربها ضربه ضربه
Nabila:علاه تمدلوا لحلاوة بزاف
Hanine :كاين سيرو يتباع عند لفارمسي قوليلو يعطيهولك وشربيهولو على لفراغ وخليه 3ساعات باش ياكل لمدة 3ايام وبعدي عليه السكريات راح يرتاح
Om lodjain :شوفي جيبي السواك وشمخيه فلما وفالليل لوحيلو الما بالسيرانغ امبعد هزي الطرف اللي شمختيه ودريهولو شمعه وخليه يرقد بيه والصباح ذرك يهبط العش نتاع الدود عن تجربه
Aziza:اختي شربيله الحلبة واعطيه يكول الهريسة مع الاكل
Om Dana:اختي ديري متقوع اللوبان المر والشيح في الليل وكيف ينوض الصباح مديلو مغرفة منو وخليه وحد ربع ساعة ول اكثر ومبعد مديلو يتقهوى لمدة 3 ايام وعاودي نفس الشي بعد 15 يوم ،يعني كل 15 يوم ديريها 3 ايام حتى اتشوفي بلي ارتاح متزيديش اتمديلو ،وطيبي طعام بالسلق ومديلو ياكل ول اي طبق بالسلق
Farah :زوج فصوص ثوم فكاس حليب مع صباح لمدة ثلاث ايام ويشفى باذن الله...مجربة
Basma:ليكي شدي كاس حليب بيتي فيه سنات توم وصباح كي ينوض اعطيلو يشرب لحليب هداك ولا ديريلو الحلتيت ادا تعرفيه ديرهلو في حبة تمر باش يتبلعلو
Nafissa:Chrilha sirop fleuvarmal wla helmantox w charbiholha pd 3 jrs après 15 j zidi mdilha mgharfa sbah
Hanane:ديرلها نعناع تيزانة مي مش في دارك طيبهالك وحدة و جيبهالك مثلا جارتك وشربيهالها
Ratiba:اطبيبة قلتلي ديري لقشور تاع رمان يبسيه ورحيه بودره وحطيهولها مع لياغورت تاكلو صباح علي لخوه وساعه باه تفطر قلتلي مليح مزالمجربتوش
Noura:كاين هده الدواء جربتو لاختي تضال تدعيلي والله ثلاث حبااات تنساي اصبري ضرك نكتبهولكverten 400
Asma:ديرلها شوي قهوة مرحية
ولا ثوم
Om Fadoua:جيبي نص حبة ثوم وحطيها في زيت الزيتون ومبعد دريهالها كما سيبو والله غي تريح
Fatima:اديها لطبيب ..ثوم مليح ؤو غسليلها يدها ؤو نحيلها ضفارتيها ؤو غسليلها لخضرا بلخل ؤو خرجي قشها يتشمس شمس تقتل لبيض تاعها
Kaouther: زيت الضرو ديريه في سورانق وديريهلها في مقعدها و ديري قطنة وتشوفي العجب لي يخرج
Nabila: وحدة حطت فوطو تاع ولد ختها دارولو زيت الضرو في المخرج انا دهشت كي شفت هذاك الدود كااامل خرج
Fahima:حطي حبة ثوم في كاس ماء وخليه يبات صباح اعطيلها تشرب باذن الله راح يقتلهم حتى البيوض ديالهم.
Latifa: دري زوج سنينات ثوم في فنجال وفرغ عليه حليب يغلي و غطيه حتي يبرد و مديلها تشرب هذاك لحليب ان شاء الله عن تجربة ترتاح
Om Nadjoua: والله جربت كلشي معى ولدي منفع والو كان يخرج منو بشكل يخوف ديتو لطبيب ورتاحلي حمد الله اديها لطبيب وفرات
Rahma:دريلها عشبة المثنان راهي تباع عند لعشاب ضربة ضربة لدود أنا درتها لبنتي ورتحات ضرك عام وأكثر مجهاش
Taouba:عشبة الشيح طبخيها ولازم بنتك ماتشموش كي يكون يطبخ وعطيلها تشرب وزيت الضرو فاني مليح ديريهلها في مخرج
Abir:شوفي اختي احكمي الشيخ اغليه في الماء وطفي عليه بالصحة لازم ماتكونش بنتك في الدار مالازمش تشم الريحة تع الشيح على خاطر الدود يشم ريحة الشيح يهرب وعمريلها ربع كاس وحليه لها بشوية عسل واعطيها تشرب في الليل ومع الصباح على الريق وعسيها مين تدخل التوالات وشوفي الوسخ التاعها صدقيني انا جربتها لبناتي والحمد الله
Basma:Khti hawli twakliha haja Hara bah tnadaf liha msarin ou khodi 2 war9at na3na3 madghihom mlih ou dirihom liha kif ma lmaftol
Naoual:قبيل حطت وحدا قالت حطو القهوا غبرة من تحت حشاك قالت جربتها لولدها خرجلو قع الدود لبرى ومنعرف انا مجربتهاش
Intissar: Ana banti ndiralha lahlib felil nbayt fih sana thoum ma9souma 3la 2 na3tihoulha sbah 3la lafragh w dertalha f seringue zit fih thoum Mel taht 3awadt 3 jours rah mais zedt chrit sirop fluvermal dok hmd rah
Sonia:ديريلو ملور القطران مليح بزاف يخرجلو الدود لي كاين فيه كامل ربي يشفيه
Hadjer:جربي قشري حبيبة ثوم وحطيها في زيت الزيتون وخليها تترقد شوية
ومن بعد جيبي لانجات شايحة غطسيها في الزيت ودخلي بصبعك في فتحة الشرج تاعها وحاولي تجبدي الدود
انا هاد الطريقة مجربتها
وكاين يلي يدير الثوم كيما السيبو ويدخلها
Sara:شوفي ختي احكمي فنجان ماء و زيدي معاه مغرفة كبيرة ملح خلطيهم حتى يذوب و عمري ابرة بهاذ الماء المالح و ديريه على ضربة حشاك منين دير كاكا و خليه كي تحب تفرغ عسيها و شوفي واش يخرج العجب و عاودي هاد العملية حتى ماتزيديش تلقاي الدود و بالشفا عليها
Mina:شيح مع شحمة لماعز ....ضربة
Hafidha: اختي املءي كوب صغير تاع القهوة بالماء الطبيعي وزيدي القليل من عشبة امليلاس وكما يسميها البعض بمليلسة واتركيها حتى الصباح ويتغير لون الماء و يصبح غامقا واعطيه يشربه واعيدي الوصفة لمدة ثلاث ايام متتالية
Om Raouaa:خودي لها دواء اسمه vermox تشرب معلقة او حبة مرة كل اسبوع لمدة 15 يوم يعني اليوم حبة وبعد اسبوع تاخد الحبة الثانية ويستحسن تكون جيعانة يعني بالليل وقت الفجر تشربه وترجع تنعس.
Chahrazed :انا شفت وحدة البارح قالت كنت تغلي بالدود وضعيفة ياسر قلتلك اقعدت هكاك حتى وصلت 16سنة على ما اضن من بعد عرفت بلي اوراق شجرة الخوخ مفيدين تحكمي الاوراق وتغسليهم ودقيهم في مهراز ومن بعد جيلي كسغول تحطي فيها ماء وهذوك الاوراق وتخليهم حتى يولي الماء لونو اخظر وتشرب كلما تفكرت قلتلك اسمنت وراح كامل الدود
Chaima: دريلو جلوف الرمان كيما تزانه وشربيه هادي
مجربه وأكيده
Mariem :ديرو ثوم في دڨلة ومديلو ياكل دڨلة بلا مايفيق بيك أختي من ثم ما رجعش لاها
Maroua:اختي دوك الحنيشات البيضاء الصغيرة لي تتخرج من الشرج هاديك ديري ليه غا الشيح يشربو مغلي غايسوس ليه مصارنو و العش ديالو غايوخرجو و الى ما بغاش يشرب الشيح ديريه ليه معجون مع الكفتة و طيبيها و عطيه ياكلها و خاص وقت لي تديري هذا العلاج مياكلش اللحوم الحمراء بزاف و الحلويات لانها تتغذى عليهم
Amel:شيح البحر راه يتباع عد العشاب طيبيه ومذبيك ميعودش في الدار ويشم ريحتو المهم طيبيه كيما تيزانه واعطيه شوي سكر يسفو ومبعد اعطيه يشرب
Lamis:كون تقلبيه من المخرج عفاكم الله تصبيه ثما على برا هذا الدود ينقز فيه ماشي اللي الداخل في كرشرو حتى تنحيهولو دوري السكوتش على صباعك وخلي هاذيك الجيهة اللي تلصق للبرا ماشي جيهة صباعك ولصقي على لحمو ونحيه هكذا يتنحالو يتهنى ويرقد اما بالنسبة اللي في كرشو روحي للطبيب يمدلك دواء يشربو مدة 3ايام ومن بعد يريح 15يوم ويرجع يشربو 3ايام واحد اخرى بربي يشفى ان شاء الله هكذا درت لبنتي رتاحت منو
Anfal:ديريلها الثوم شميعات و النظافة لازم في كل وقت تغسليلها يدها و موخرة تاعها بالصابون طراف وتحبس الحلوى و اللعب فالاوساخ مكانش عخاطر الدود راه يعدي و يرجع لازم النظافة و الحلوى لا
Afaf:حب الرشاد مع الغرس تخلطيهم كل يوم تمديلو قيس تمرة ياكلها بعد العشاء ميزيدش يأكل وراها. وربي يشفيه ان شاء الله.
لا يوجد تعليقات
أضف تعليق