سلام أخواتي
من فضلكم اعطوني طريقة العناية بجرح ما بعد الولادة والخياطة راني نعاني من الألم😢
Om Lamis: الوصفة الطبيعية تع الخياطة عندي طلب بسيط فقط اللي تجربها وتفيدها تدعيلي ربي يفرج عليا بالسكنة 🙏
روحي للعشاب قوليلو يعطيك الضرو وكذلك خياطة لجراح أشري نفس الميزان تحبي نتي ترحيهم أو قوليلو هو يرحيهملك مليح جيبيهم للدار صيريهم لازم يكون خليط ناعم خلطيهم مع زيت الزيتون حتى تتحصلي على خليط ماهو جاري ماهو يابس تقدري تمشيه بيدك احكمي البوندة حطي فيها كمية معتبرة من الخليط وحطي فوقو كومپراس والبسيها عادي وباتي بيها
عاوديها كل يوم والله غير تقول سحر أنا كنت نتعذب الماكلة كنت ناكل بالوقاف حتى درتو والله العظيم غير ثلثيام رجعت نتربع في الارض
Mariem : أنا عطاتني الطبيبة غسول ميلاجين غسلت بيه وبعدا كي نحيت خيط شريت غسول عادي ندير بيه الحمد لله رتحت.
Nona: كنت نغسل ببيتادين ندير قطرات في الما و نغسل بيه.. لانو معقم و خاص بالجروح و الخياطة و ساعات نستعمل ميلاجين مي خطرة واحدة في اليوم.
Kahina: انا نعرف شحال من وحدة كي تولد طبيعي تغسل كل يوم بلماء دافي وملح 7 ايام يطير خيط وحدو خير من غاسول
Amina :اغسلي بالداكان و ديري زيت زيتون في ساغفيات واغسلي بالزعتر.
Batoul :اغسلي ما و ملح. نشفي مليح و ديري دوا لحمر ييبس الخيط و يطير.
Wafa: اغسلي بلماء والملح ولا بلبيكاربونات ولا بدكان هو معقم طبي تمدهولك لفرماسيان وكي تكملي نشفي وعمري البوندة بزيت زيتون ترطاب ويبرا الجرح ثم ثم .
Imane: شوفي اختي غسلي بالصافوغال لي عطاوهلك ومن بعد ديري زيت زيتون هادي بتجريبتي والله يخلي الخيط ما ييبسش والف مبروك.
Razika:اليوم برك حذرتني الطبيبة من زيت الزيتون يرخف الخيط و ينحولك قبل ما تبراي... اهتمي بنظافة الجرح انا غسلت بسافورال و درت بوماد كتبوهالي..
Nour: ديري قشرة رمان وملح حجرة و خياطة شيح وعرعار في قدرة كبيرة اطبخيهم وغسلي بيهم كل يوم.
Dima:ورد بالك تخلطي العقاقير على خاطر منطقة حساسة انا كي كنت كيفك نغسل بسافورال ومبعد نغسل الجرح بالدواء نزيد ربع ساعة ندير بوماد هكا رتحت.
Om Ahmed: احنا عندنا نديرو دهان عربي مع شوي بصل مرحي وشيح ندفوهم شوي على النار ونحطهم في كومبراس مع ليبوند نبرو ليه ليه بنت خالي محبتش دير صرا فيها الويل تنفخ الجرح ومن بعد خمج عطاها طبيب دوا وقالها ارجعيلي مدارلها والو في الاخير دارت الخلطة هاذي مكانش يومين بدت تريح من بعد رجعت للطبيب حار قالها واش درتي راكي هايلة قاتلو دهان قالها صح مليح يهبط الميكروب.
Salima: مسحي الجرح بلالكول بكوبراس معقمةثم مسحي بلبيدادين بلكومبراس مع الضغط عليه قليلا باش يخرح الدم وميقيخلكش 3 خطرات في نهار تريحي كي ينشف الغرز يطيرو وحدهم.اختي.
Farah:ديري بومادة العينين الصفرا اختي مليحة للجرح يرتاح ليه ليه.
Mimi:اول حاجة الزيت كيفما كانت نوعيته ممنوع الاسبوع الاول ينحط على الجرح خاطر يمنع la cicatrisationيعني الخياطة ماتتبلعش بيه ولازم غي بيطادين مع الماء دافئ ةتنشفي مليح مليح ولي لقات الماركريل او الماركريل لوريل تشريه وتغسل بيه مخلط مع الماء يطري الخيط وتشربي ادوية تاعك مضادات حيوية وزيدي فولطاران او ديكلوفيناك شميعات باش يحبسولك السطر ويخرجو الغازات تاني والله يشافي.
Hadjer:اختي عمري البينوار بالماء سخون لدرجة تقدري تتحمليه و حطي فيه الملح والشب واقعدي فيه حتان يبرد مبعد نعمر لابوند بزيت زيتون والله طار وحدو الخيط وتحسي براحة يترخف عليك.
Donia: قاتلي ساجفام مديريش زيت زيتون يرخف الخياطة
Fatima:ديري بومادة اسمها ميبو هايلة للخياطة انا نفعتني غير هي.
Hiba:زيت الزيتون يزيد ينفخهالك اخطيك منو اغسلي بالشب ذوبيه في الماء.
Om Siradj: زيت زيتونة هلكني كي درتو كنت بشب ولملح روعة انا درت ويت زيتونة تهلكت ومتنحاش لخيط وتنفخ.
Soulaf: لعسل الحر للجرح باش يتلم مليح و للسيكاتغيس زيت الضرو المارة ما تقعدش.
Loubna:بالاكي تديري زيت ،اذا عندك التنفاخ معناه الجرح مازال ما براش ،الزيت تطرطقلك الخياطة و تولي حاصلة ،ديري باسينة فيها داكان و لا ما و الملح ،ديريه شويا بارد باش ينقصلك ااتنفاخ ،شربي كلاموكسيل باش ما يصرالكش التهاب ،كتري بيتادين للجرح و ديري بوماد ميبو تنقصلك الوجع
ربي يشفيك
Om Taqoua: ننصحك مديري والو ‘متخلطيش فيه نقيه مليح بالماء الاكسجيني ‘وزيدي عاودي ببيتادين 2 مرات ‘باستعمال ليكومبراس ‘وكتخلصي نشفي بكومبراس شايحة وادهني بميبو ‘ولا بوماد تنحي سيكاتريس‘ديري هك 3 مرات فالنهار.كتعودي تنقي اعصري مليح باه يخرج لخماج والدم وميخمجلكش ‘واذا مخيطة من داخل ثان دخلي سيرانڨ فيها الماء الاكسجيني وفرغيها وخليه يرغي مليح وامسحي بالكومبراس ‘ونفس شيء عاوديه بالبيتادين ‘.وكتخدلي لتوالات كتعودي تبولي اطلقي العين اتجاه المهبل وبولي هكا ميحرقكش وميتكاثروش الجراثيم فالجرح ‘تخلصي البول اغسلي بماء دافي فيه البيتادين ونشفي البلاصة مليح.هاكا انا قالتلي جينيكولوغ ‘والحمد لله كنت في شدة كبيرة ودك رخف عليا.
Hafidha: الناس لي تخرط عليك ماتخدي راي حتى واحد اغسلي بالسيروم سالي و اعصري الجرح لكان محلول و مبعد ديري كومبراس معقمة اي تتباع عند الصيدلي و فوقها سبارادرا و متنسايش البيتادين ورا ماتديري الصيروم.
Naoual: اغسلي بصابون الحجرة نشفي مليح
Sali: لازم تغسلي بالماء دافي والملح و ديري الدوا لي تعطيه لك الطبيبة وعسي روحك من الإمساك باسكو تتعذبي ما تقدريش تتعصري والخياطة انا شفت الويل في ولدي الاول خيطوني بزاااااف بصح تلاقيت شحال من وحدة قاتلي ما خيطونيش بزاااف يعني بلخف تبرا .
بوماد ميبو هايلة جربتها
ردحذف