واش قالو النسا في الجزائر على طرق إزالة الالم الناتج عن الفلفل الحار
يديا يحرقو من الفلفل كشما كاينة حاجة تنحي الحريق مانفع فيهم والو لا زيت زيتون لا خل لا صابون😥
Halima:اصبري ختي مكاش لحل انا درة ما بارد في طاص ودخلت يدي فيهم كي يسخن نبدلو حتى لصباح هذاك نهار مننساهش طول حياتي
Nabila: ديري دونتفريس جربتو خطرة نقصو شوي.
Om sahla: اغسليهم بلخل ضربة ضربة
Rima: لحليب اختي حطي يديك فيه واحد لعشر دقايق وبدليه ضرك يتنحالك
Om Fatah : ماء بارد ولا حليب بارد
Karima: دهني بلقارص ولا الخل نافع جدا وبالتجربة.
Rahma: اعجبني لعجين يخفف انا دائما نقشر فلفل وبعد نعجن عن تجربة
Salwa: نبتة الألوفيرا ضربة ضربة ويتنحى الحريق .....مجربة
Nassema: انا غسلت بصابون الحجرة والو درت معجون الاسنان والو بايتين يحرقوا فيا حتى لصباح درت الفازلين والو عذاب حقيقي
Om saloua: دفي زيت الزيتون وادهنى اديك وغطيهم يتحلو المسامات ويدخل الزيت ابرد الحرق زيت الزيتون هو الوحيد ليوصل حتى لعظم.
Ritadj: والله العظيم انا نخدم لحميص والفلفل حار بزاف يقطعلي، يديا. كنخلص. نحكم لالكول شريجيكال ونبزعو على يديا ندير ثلاث. مرات يبرد لحريڨ تاع الفلفل.
Racha : شو في التمر والماء ولا السكر والماء
Donia: Chofi diri yadik fl 7lib bard mba3d diri zit zitoun ana mjarbateha
Chahra: زيت الصانقو صباح دارو فيا حالة درت صندوق طرشي درتو شعلو يديا واومبعد راح لحريڨ
Raouia: انا مالفة نغسل الماعن بازيس و الما لبارد نلقاهم طفاو
Chahrazed : ديريfa eau de colone عن تجربة.
Om anes: زيت الضرو ثم ثم يتنحى
Fadoua: معقم اليدين 👍ولا حكي يدك بالطماطم كعب اقسمي حبة على زوج وحكي تبرد تم تم
Karima: لالكول ختي ولا ديسولفو تمتم ولا بيافين
Taouba: كاين بوماطا خاصة عند الفرمسي قوليلو برك يعطيلك. انا نستعملها نسيت اسمهاوماشي غالي
Siham: أغسلي بجافيل مجربتو
Nina: قلبيلا ابني حرقو فلفل دوشتلو ودرتلو فازلين مطولش و يح
Ranim : ادهني يديك باللبن والله تريحي غير كيما صراتلي
Om ami: صفار البيض ولا ياؤورت ادهني بيه وتقدري تغسلي بالكوكاكولا
Khadidja: Alcool Ab9ay diri kolma yanchaf 7ata tmaslk ga3 hadak l7ri9
Wissam: دهنيهم الازيس وخليهم حتى يشيح وغسليهم ٣الى ٤ مرات .
Nour: زيت تع طياب تبرد ولا لعسل
Haiate: اعجني البغرير او اي عجينة وطولي تدلكي فيها . او اغسلي القش بيديك بصابون الطرف
Soumia: عليك وعلي الغرقة هزي شوية تراب في يديك خلطي معاه شوية ماء يولي كي الغرقة اودهني يديك ا ورجعيلي لخبر.
Radhia: انا جربتهم كامل ما يروحش لحريق حطي شويا سميد اعجني مليح باذن الله يروح مجربة ما ترميش لعجين طيبيه عادي و كوليه نورمال قرصة صغيرة برك
Om djanna: فازلين اختي يحرقك شويه ومن بعد يحبس لحريق عن تجربة
Fatima:ختي وعن تجربة الكحول او مزيل طلاء الاظافر
Om Mina: انا صراتلي غسلت بالسكر راحلي لحريق جربي وتشوفي
Fifi:دريهم في لبن ولا رايب جوست موراها في المايزينة
Takoua: عن تجربة خلطي حليب غبرة مع شوووووية ماء حتى يكون الخليط كيما الكريمة و ادهني يديك و خليه يشيح و اتفكريني.
Souhila: انا مرا صراتلي درت بومادة كبد الحوت Douce plus صفرا راحلي لحريق فلبلاص.
Maram: هادوك les pansements تع الحريق جايين فيهم شغل زيت.. يروح ليه ليه
Maroua: ضع رأس بندورة في قدر وصبي عليه الماء وسخنيه حتى تتحملي سخونته... اعصريه بيديكي.
Om Amel: اغسلي بصابون الحجرة مليح ولا صابون مافيهش لي شيميك
Samira: اغسلي بصابون الحجرة مليح ولا صابون مافيهش لي شيميك
Joujou: أحكمي حبة طماطم وقسمبها وحكيها علي يديك والله عن تجربة.
Fatima: غسلي يدك بالحليب بارد من بعد دهنيهم بالزيت دك ترتاحي.
Imane: صهديهم كوطيهم على نار و بردي بلحليب.
Achouak: ديري جافيل في يديك مع ايزيس وبقاي بيهم والله يتنحا ثم ثم ولا ديري بيتازون
أسوأ حاجة قادر تصرالك في المطبخ هي يديك يقيسهم الفلفل الحار😭
ردحذفلالكول أحسن حل
ردحذف