حلول ‏ونصائح ‏للتخلص ‏من ‏الخطوط ‏الحمراء ‏والبيضاء(السلوليت)

واش قالو النسا في الجزائر على أهم الحلول للتخلص من الخطوط الحمراء والبيضاء في الجسم 

 سلام امهات هاذي اول حمل ليا حابة تعطوني حاجة مجربة لتشققات البطن ..اي الخطوط الحمراء وكذا البيضاء ..تكون مجربة باش نستفادوو و نفيدو اخوات الحوامل و شكرا

Samah:ديري زيت اللوز وديري تلوة نتاع القهوة مع زيت الزيتون وحكي بشكل دائري وشوفي النتيجة.

Dima:جل الصبار مع زيت اللوز المر او

زبدة الشيا.دهني بزيت اركان.

Om Tassnim:زيت اللوز المر مفيد للبشرة ديريه للخطوط مدام مزالهم حومرين قبل مايبياضو.

Amel: روحي لطبيب الجلد وهو يعطيك بوماد تلائم درجة الخطوط اللي عندك... هو لازم الحامل طيلة مدة حملها كل ليلة تدهن بطنها بزيت الزيتون روعة باه يكون الجلد مطاطي وماتوقعش فيه التشققات.

Samah:هي كل وحده و اللحمه تاعها بصح غير تبدا الكرش تاكل ماتحكيهاش و ادهني بزيت الزيتون.

Fatima: انا درت زيت جوز الهند  من الاول وفي الثامن وليت ندير نهار زيت الزيتون  ونهار زيت جوز الهند ودرك الحمد الله.

Om Farah: نصيحة منعندي ديري زيت لوز شفتي درتو كرشي ماشاء الله نقطة مفيهاش.

Zahra: كاين كرام موستيلا هايله انا جربتها وجبت 3 كروش ومفياش خلاص الخطوط.

Tita:زيت جوز الهند و زيت الخروع  مخلطين مع كرام دوف و ندهن  مور كل دوش.

Gania:انا عندي زوج ذراري ومخرجوليش بسك غير ندخل فاشهر7ندير زيت زيتون ولقارص نخلطهم ونطلي كرشي كل يوم فليل قبل مانرقد.

Fatiha:ديري كريم ترطيب قبل ماكرشك تكبر وداومي عليها باش مايتشرحش لحمك لانه بعد الولاده رح يقعدو يعيفو.

Om sousou:يا اختي الخطوط الحمراء على حساب نوعية الجلد كاين لي تجيهم وكاين لي ماتجيهمش،مايهمش شا تديري

Hadjer: جل الصبار مع زيت اللوز المر او

زبدة الشيا.

Samiha: بالاكي تخبشي لازم البشرة تاعك تكون hydratée 

اشرب الماء على قد ما قدرتي

حاولي ماتاكليش فوق المعقول  باش ماتسمانيش بالزيادة

و ديري زيت اللوز الطبيعي و زيت الزيتون مليح تان و زيت جوز الهند و شوفي كاش طبيب يمدلك بومادة سبيسيال ل les vergetures اللي هي mustela.

Amina:عادي اختي الجلد يتمدد ولا زعمة ساهلة جنين يعيش في رحمك تسع شهور وبطنك تبقى مسطحة.

Hanane:الأحسن زوري طبيب مختص والله تكوني إن شاء الله على خير. 

Salma:تحكمو سبع ورقات رند (ورق غار)  مع فنجال زيت زيتون حر تغطوه و تحطوه في مكان مظلم 15 يوم و مبعد تبداو في الاستعمال كل يوم تحطو سبحاااان الله سيووها ساهلة وتنفع بإذن الله.