حلول ‏ونصائح منزلية ‏وطبية ‏للتخلص ‏من ‏الغازات ‏عند ‏الرضيع

واش قالو النسا في الجزائر على طرق وحلول للتخلص من الغازات عند الطفل الرضيع 

سلام أمهات 👋 من فضلكم قولولي واش هو الحل للغازات لي تجي للأطفال الرضع وليدي يضل يبكي 😥.

Om Ritaje: ستوب كوليك تتهناي والله أنا بنتي درتلها قاع أنواع لي تيزان منفع والو من غير سيرو ستوب كوليك كنت راحة نهبل.

 Samsam: الحنتيتة اختي والله ضربة بضربة. يخرج لي غاز ليه ليه دريلها قد حبة لعدس وعجنيه مليح ودريها في زيت ودريها كي شمعات وتتنفس وترقد عليه مي متكتريش منها والله روعة مجرباتو وقتلي عليه عجوزا كبيرة.

 

Om Dima: يااختي شربيلو غير سيرو ستوب كوليك يكلميه وينحيلو سطر من كرشو.

Fadia: شوفي ختي هدي عن تجربة ومدايرتها لبنتي والحمد الله يخرجولها لغازات رحمة ربي تحكمي الطيب (القرنفل) تهرسيه وديريه في زيت زيتون تهزي بصبعك وحطيلها فوق سرتها ولبسيلها حوايجها صدقيني ضربة ضربة.

 

Siham: ليوم ديتها لطبيبة قتلوها ليغاز بدلتلها الحليب ومدتلها لي ڨوت كول براف .

Samira: زيت الزيتون و تيزان تاع لي بيبي يتباع عند لفارماسي تستعمليه على خطرتين و مش كل يوم.

Zahra: اختي انا وليدي كان هكذا دوكا راه مليح طبيب قالي ديريلوا زرعة البسباس 30ml و علي ساعة حبة الحلاوة 30تاني مرة صباح و مرة عشية دومي عليها  عن تجربة.

Jamila: مام انا كنت نعاني مع بني من زيدت وانا في حالة يعلم بيها غير ربي يبكي ليل نهار نحطو يبكي نرفدو يبكي درتلو غاز بيبي تيزانة زيت زيتون ديتو لطبيب قالي غاز وعطالي ستوب كوليك حاجة ما نفعت فيه  3اشهر وانا نعاني حتى قاتلي عزوجي دريلو دهان العرب المرة اولة خفت ومدرتوش ونباعدة كورجت ودرتو والحمد الله من درتولو ريح وعاد يخرج في الغاز ويدير كاكا مرتين في ليوم الحمد الله هو ريح وانا ريحت.

Farah:اختي اذا ترضع من صدرك لازم عليك إنتي تنتبهي للأكل اللي تاكليه اذا كان حار أو أكل يعملك غازات راح يفوت للحليب.

Om Basma: ستوب كوليك بصح الاحسن حل ترضعيه غير صدرك والله روعة وديريلو تيزانة وحطيلو حبات كمون فيها يخرجلك ليقاز اختي.

Kamilia: شوفي ختي عن تجربة كل يوم نقطر لوليدى العسل حرة في السرة  مع المداومة انشاء اللله يرتاح.

Om Dima: اختي حكمي حبة تمر نحيلها النواه وحطيها فشويا ماء تغلي وتطلق ومبعد صفيها ويعطيها البيبي يشربها كما تيزانة ايفيكاس ضربة ضربة لي ڨاز.

 

Kenza: Warda Ben  اختي ديري ليك تيزانة زريعة البسباس وزريعة حبة حلاوة وزريعة الكمون ورا كل وجبة كاس انا نفعتي والله ولدي رتاح منهم.

Om Nina: مكاين حتى حل الصبر برك حتى تلحق ربع أشهر و نص

خطر جربت كلش كلش حاجة مانفعت.

Fatiha: ديريلو تيزانة نتاع حبة الحلاوة والكمون وزريعة بسباس ما تكثريلوش كل حاجة ديريلو منها ثلاث حبات وسيرو بيبي غاز مليح وبدليلو الحليب إذا ترضعي اصطناعي.

Rima: ديري كمادات ماء ساخن على كرشو و حركات لرجليه كيما دراجة و ادهني كرشو بزيت زيتون دافئ و ديري حركات مع عقارب ساعة ♺ و اصبري عليه ضك يخرجولو

زيدي شوفي اليوتوب تلقايها.

Kaouthar: ديريلها تيزانة تاع ( حبات زريعة البسباس وحبات زريعة الكمون وريشات نعناع وريشات تيزانة وحبات حلبة واذا عندك حبات شعير غليها ومديلها تشرب مع العشية والله يرقد الليل كامل ويديقاجي ليڤاز عن تجربة وماتخافيش منهم اعشاب طبيعية.

Mamat Iyad:ماتكثريش تيزانة ختي. راهي دير له لادياري

ختي لي غاز كي يكبر شويا وحدهم يروحو هكا طبيب قالي  

قالي 3 اشهر مصارين يغلاظو شوي ويولي يديقاجي وحدو .

 Karima:  استعملي الزيوت بشرط تكون

 طبيعيه وادهني خاصة منطقة البطن ديريلو ماساج عده مرات في اليوم .

. الزيت حطيه على البشرة راهي تسخن وتسهل خروج الغازات، الماساج يكون دائري باتجاه عقارب الساعة مثل، أيضا كاين مساج عمودي من الأعلى الى الأسفل دائما في منطقة البطن وبشوي برك حتى يخرجو الغازات.

Farah:  ديريلو رياضة البيسكلات لي هي ترفعي رجل  ثم رجل الأخرى عدة مرات بالتناوب كأنو يلعب بالدراجة.

Om Lina: ختي حطي لبيبي تاعك على بطنو بضع دقائق بشرط تراقبيه لأنو البيبي في الأشهر الأولى يثقال عليه راسو وقادر يتخنق لوكان تغفلي عبيه.

الوضعية هذي تسمح بخروج الغازات.

Jouda: ختي راقبي البيبرون تاعك كاين لي مفتوح بزاف يخلي لبيبي يبلع لهوا بزاف مبعد يتوجع بلي غاز.

وثاني نوعية تاع لبيبرو تلعب دور مهم ومن الأفضل تستعملي النوع الغالي باه تحمي وليدك .

Sabrina: لبيبي ديريلو تييزانة زريعة بسباس مام انتي اشربيها انا عندي شهر من درتها مليحة بزاف.