واش قالو النسا في الجزائر على طرق علاج الإمساك في المنزل؟
أخواتي عندي مدة وأنا نعاني من إمساك ماحبش يروح.. شكون تعطيني الحل للتخلص من الحالة هذي من فضلكم 😥
Om Dima:انا ننصح بزيت الزيتون ديريه في البيض في لاسوب في السلاطة يوميا مليحة و تجنبك لكونستيباسيون.
Malak:احكمي بيطراف بعد ما تغليه قطعيه و ديري فوقو مغرف صغيرة زيت الزيتون راه يجري الكرش ,,,, هذي نصيحة عطاتهالي الطبيبة.
Warda: انا قالي طبيب كولي برقوق مجفف كاين لي يقولها العينة لي نحطوها في طجين الحلو.
Mariem: اشربي الماء بزاف وغلي حبة بيطراف وكوليها ولا كولي الكسرة تع القمح مع زيت الزيتون.
Om Takoua: أنا الصراحة الحمد لله الحمد لله الحمد لله ماعنديش إمساك باسكو كل صباح قبل مانشرب قهوتي... نشرب الماء وزيد كل صباح لازمني زيت زيتون حر مع القهوة يعني نديروا مع الخبز وزيد في كل وقت نشرب في الماء ... الحمد لله.
Narimane: إذا راكي تشربي حمض الفوليك ولا دواء نتاع لانيمي هو سبة كاين دواوات يمشو لكرش روحي للطبيب يعطيك دوا وزيد حوايج طبيعية.
Asmahane: طبيبة تعطيك دواء سيرو ازيلاكس مليح.
Malika: انا تاني قتلني الامساك . و الله شربت الماء برك و كليت الحار . سهل عليا ربي و الحمد لله.
Jihane:كولي بيطراف و السلق و تجنبي المشروبات الغازية وكولي الزبيب الاسود فالصباح والليل.
Fatima:اشربي ملعقة زيت زيتون على الريق هذا انا لي نفعني خير من دواء الحمد لله وكولي المندرين بزاف كرشك تمشي.
Houda: متاكلي وااااالو عليك وعلي تيزانة وهي سخونة تمشيلك كرشك . واشربي لماء بزاف.
Hanine: اشربي سيرو ايزيلاكس ولا ديري شمع غليسيرين.
Bouthaina:اسمعي نشوف في لجماعة ولاو كامل طبة ننصحك روحي للطبيب خير ماتشربي كاش دوا وتعشي تغني ياديوان الصالحين على ربي والوالدين.
Hanane:متولفيش روحك بالدوا كولي سلايط أو بيطراف أو زيت زيتون وكي تنوضي صباح ديري ماء سخون فيه مغرف عسل وشربيه تريحي ان شاء الله.
Karima:ديري حبة طماطم ارحيها واشربيها هكاك،ولا شوفي عشبة سنا مكي مليحة بصح كمية قليلة صباح وعشية.
Om zahra: اشربي القهوة بزاف ومع الفلفل كوليه في ماكلتك كثري لازم حار وكثري شرب الماء واطبخي شوي فيجل وسنا مكي واشربي .
لا يوجد تعليقات
أضف تعليق