واش قالو النسا في الجزائر على طريقة فطم الطفل الرضيع
بغيت نفطم وليدي ومعرفتش كيفاه؟؟😥
Rima:من الأفضل تخلي وقت البرود وتفطميه وتتجنبي أوقات السخانة كيما الصيف باه مايتعبكش.
Hanan:أنا فطمت بنتي معنديش بزاف والله في الأول تعبك ومن بعد ربعيام ولا خمسة تتهناي نوصيك كي تفطميها متوالفيهاش عادات سيئة متلا تبقاي دوري بيها ولا هازاتها خليها برك اي توالف وتتعبك.
Souhila: خلي للخريف على الاقل في سبتمبر خاطر ينضر مسكين بزااف يولي يعطش بزاف و مهما يشرب الما ميترواش
Ahlem: انا بنتي فطمتها بالتدريج الحمد لله متعذبتش معاها،ابداي نقصي الرضاعة متلا تكون ترضع زوج مرات انتي مديلها غير مرة ومبعد خليلها غير تاع الليل .. مبعد نحيلها تاع النهار خلاص وخليلها الليل فقط. وحاولي تعطيها بيبرو حليب فالنهار والماء ووكليها. ومبعد نحيلها الرضاعة تاع الليل. ثاني بالتدريج كل مرة نقصي رضعة حتى تنساها .
Latifa: حطيلو فيها المر والصبر ظك ينساها.المر والصبر عبارة عن حجرة تشريها من عند العشاب الريحة تاعها ماش مليحة
Chaima: ديري القطران على صدرك يعافها وحدو وربي معاك .
Soumia: انا درتلها التلوة تاع القهوة في صدري ولات تخافو ....و كي تذوق يجيها القيا ليلة لولا بتنا قاعدين و ماحبتش تشد البيبرون .....ثلاث ايام من بعد ولات من الشر حكمت البيبرون و سمانة نساتها
Fadila: انا ثاني نفس مشكلة مي نحيتلها مرة ندير عرعار مرحي ومرة قطران كي تشمو متحبش ترضع صح عييت معاها ودرك الحمد للّه حتان عادت تقولي كاكا جربي قطران لعلى متحبش ريحة نتاعو وربي اكون في عونا.
Nafissa: رقيلو وحطي على سدرك طماطم ولا قطران ولا كاش حاجة مرة واصبري معاه على الأقل اسبوع ومن بعد ينسى ولا خليه يرقد عند مماك ولا عجوزتك.
Amina: ختي يقولو ناس زمان مش مليح تفطمي طفل في صيف يشيح من جبكاه علي الرضاعه الاحسن الشتاء لكان تصبري تعدي اوت وافطميه.
Salima:كل خطرة نقصيلو عدد الرضعات شوي شوي يوالف وديريلو الحليب فلبيبرو فالليل.
واش قالو النسا في الجزائر على طريقة فطم الطفل الرضيع.
لا يوجد تعليقات
أضف تعليق