واش قالو النسا في الجزائر على كيفية تنظيف أنف البيبي ؟ 2023
أمهات وليدي نيفو مسكر عيا يتنفس قولولي واش نقدر نديرلو باه يتسرح؟؟😥
Fatiha: حليب نتاع صدرك مجرب حطيلو قطرات في نيفو ونظفيهلو يتسرح.
Dalal:سيروم ولا ماء البحر ونقيه يتسرح.
Sabah:زيت زيتون وين يتغلق ديريلو تستناي يعطس يخرج كلش ماعندو حتى دواء.
Fadila:شيح دقيه و حطيه فكمبراس و اغلقي مليح واعصري عليه حليبك و قطريلو في نيفو و فليل ديريلو زيت فملغيغة تاعو يخرجو ليقلاغ تصيبيهم فليكوش.
Faten:قطرة زيت طياب في نيفو يتسرح.
Wahiba:انا نديرها زيت الضرو مع العسل ندفيها و نحطها على صدرو يومين يبدا يخرج.
Ghalia:ماديريلو واااالو بسكو الصيف سيروم وبسسسسس.
Wafa:ديريلو لحليب تاعك في نيفو تخرج انا بنتي ديما نديرلها هكذا تخرجلي عجوزتي وماما قالولي عليها.
Manel:Choufi khoudi morceau coton قطن dirih chgoul harbouch kis ma yadkhol fi nifou chamkhih bel sérum ou dakhlihoulou dakhel nifou basyassa dakhli ou dawrii yabda ya3tes kayen li yji m3a l coton ou kayen li ki ya3tes yokhrejlou haylla.
Hadjer: ماعرفتيش كفاش برك استعملي السيروم انا نفضل انتاع الفشفاشة كما ماري مار وجبدي بالموش بيبي تلاث مرات فاليوم يصفى خشمو ويرتاح من بعد تولي خطرة في يوم ولا يومين.
Dima:ديريلو ماء البحر ثم ثم يتسرح يتباع بخاخ عند لافارماسي.
Zahia: أولا نظفيلو نيفو بالقطن .احكمي طرف صغير بليه بالسيروم و اخدميه بين يديك و نقيلو نيفو بيه و ديريلو سيروم ضرك يريح.
Jamila: سرحيلها نيفها بالسورانڨ و السيروم شوفي الطريقة فاليوتوب.
Om Tassnim:حطيلها قطرات زيت زيتون في نيفها وومسديه بصباعك درك يتسرح هكدا درت لولدي عطس خرج كلش.
Souhila:انا بنتي كل يوم نديرلها فشفاشة في خشمها شحال من مرة فنهار ونديرلها زيت زيتون فلحليب صباح وقبل ما ترقد خشمها تسرح مام الكحة تنحاتلها حتى لحليب كانت متكملوش.
لا يوجد تعليقات
أضف تعليق