واش قالو النسا في الجزائر على أنواع الأك
ل لي لازم تقدم للرضيع
سلااام امهات👋
بنتي نرضعها رضاعة طبيعية وحابة نبدالها لماكلة لمجربات تعيشو انصحوني بواش نبدالها وواش نوكلها .. شكرا
Samira: شوفي ختي ابدايها پتيسويس السامط ليكومپوت و الخضرة غير الزرودية والقرعة كابوية حوسي في ڨوڨل تلقاي.
Rahma: قالي طبيب دوقلو فرينة هي الأولى.
Om Mina: تقشري تفاح وتغسليه وديريه يطيب مليح وامبعد ارحيه لازم كيما لابيري وديريه خفيف وخبيه في باطة زجاج ومديلو بشوية في بيبرون تقدري ديري لخوخ ولا بعويدة.
Salma: أنا بديتلها بتسويس وكومبوت تاع تفاح وبنان ودوقتها الخضرة كابويا زرودية قرعة بطاطا و غدوة إن شاء الله نديرلها لوبيا ماشطو.
Om Ritadj: شفت مرا هذاك سامي بوقصة قالهم تقدرو تبداو بالخضر زرودية كورجات كابويا ماشطو طيبوهم بلا ملح وترحيوهم يكونو مايهين كل يوم تمدي قيس مغرف والا زوج برك باش يوالف ذوق الخضر ومبعد تفوتي للفواكه ،الفرينة مافيها حتى فايدة انا مانديرهاش لابني ان شاء الله .
Nona: راني نعيها 2 تيسويس معا حبا فرماج ولحشيا نعطيها حبا ڤاطو معا حليب.
Om Fifi:دريلو الخضر حساء ودريلو تفاح .انجاص كومبرت فوريهم واعطيه لعشيا بنان بتي سويس ودقلة يعني تمر طري تشينة دريها عصير وتان الجزرعصير هاذو ابداي بيهم كل مرة دخليلو حاجة جديدة بعد خمسطاش او عشرين يوم زيدي دخليلو دجاج في الحساء تاعو والبيض والفرماج البسكري ودريلو شخشوخة خبز في الحليب فرميسال في حليب وعصيدة روز اعطيه خبز فيدو وعسيه ...الخ حتى يولي ياكل كلشي ولحليب خليلو حليب الاطفال حتى يدير عام مدريش لحظة.
Nassema: بالنسبة للنظام في البداية متكثريش عليه ابداي حساء خضر وبعد ولي ديري عشرة صباح عصير ولغدا حساء ولعشا مديرلوش في البداية ء لعشية فاكية كمبوت او بنان ومن باعد كي يوالف الاكل تولي ديري عصير ولا بتيسويس على العشرة وبعد غدا لعشية شخشخي خبز او بسكوي في حليب او فاكية ولعشا دريلو تان وجبة انا الرضاعة قسميها حساب احتياجو يعني اذا طول بعد الغدا باه يرقد دريلو بيبرو او دريهلو كي ينوض من لاسياست مثلا انتي نظميهلو وبيبرو قبل النوم ضروري متنحيهلوش حتى ولو يتعشا مليح.
Fatima:شوفي ولدي عندو 7اشهر ياكل الخصر مفورة بنان تفاح تينة تيسويس فرماج ڨاطو كاسكروط مع لحليب البيض مع الفرماج الجاج مع الخضر كمية قليلة الحوت الميرلون.
Mamat Yousef: صباح كينوض غسليله ولبسيه وخليه يعيا شوية حتى يرقد كينوض على 10 وكليلو واحد تيسويس ولا عصير البرتقال وعلى 1وكليه شوية لاسوب خدمتيها وقيليه ولعشية ديريله قاطو فلحليب وعلى 10 تاع ليل ديريله الفرينة بلحليب باش ثقلو ويرقد وفليل كينوض صدرك.
Manal: انا وليدي نديرلو 5 صباح بيبرو حليب يرجع يرقد نوض تاني علي 9
00 واحد بعد جوايه 11 تسويست على 14 نديرلو فيقور يفطر بعد يرقد على 4.00 نتاع عشيه حليب وبعد 6 لعشيه نديرلو خضرا مرحيه مع زيت زيتون شويا ولا حبه فرماج نخلطها فيه ِِِِِ هذا مكان ...... على جوايه مور لعشاء اعطيلو حليب باش يرقدلك.
Karima: العشرة بيتسويس 12نغديها خضرة ..جريوات سنارية قرعة بسباس ورقة كرافس نميكسيهم نزيد زيت زيتون 2حليب 4 كومبوت نص تفاحة مع ثلاث تمرات او عصير كابويا مع ثلاث ثمرات او عصير بسباس مع ثلاث تمرات الستة نمدلها فرينة و الباقي خليب حتى ترقد.
Basma: انا نخلط برك نمدلها بتيسويس خضرة سنارية وجريوات وبطاطا وصفار لببيض وفرماج وفرينة وكسكروت في الحليب تفاح بنان مش بنضام كي تنفحلي روح نوكلها الحاجة لي تهوالي هههههه.
Om lodjain :ولدي كيما بديتلو لماكلة درتلو جريوات سنارية بطاطا بسباس كابويا سلق كل نوع نجربو مدة 3 ايام و مبعد نخلطلو 2 انواع مازلت نتعدب معاه باش ياكل و الحمد لله و لعشية نمدلو بتيسويس ولا كومبوت.
Chaima: بني ربي يحفضو نشالله صباح نديرلو بيبرون 12:00نغديه كل مرة واش نديرلو خضر سوب ونعطيه كمبوت نخدمولو وحدي ويقيل تولي 5:00ينوض نديرلو بيبرون على 7:00تاعولعشية نعشيه ثاني سوب تاع خضر تولي 11:00تاع ليل بيبرون منها لصباح على 9:00باش ينوض بلاما تنسأو الماء اشربولهم هاذا هو برنامج وليدي والحمد الله راه في صحة جيدة.
Dalia: انا وليدي يرضع رضاعة طبيعية ونص النهار حساء خضر ( كل يوم نوع ) مع عصير برتقال او وحدة بتيسويس وباقي اليوم يرضع فقط وقي الليل مازال ما نعشيهش نعطيه كمبوت تع فواكه ولا بتيسويس اذا ما كلاش الصباح ولا شوية لابنامين مخلطة بحليبي ويكمل يرضع ، لازم ما نكثروش الاكل للاطفال غير بلعقل المعدة تاعهم صغيرة نضروهم.
Maya: أبدايلها بالخضرة خير...ديريلها القرعة ثلاثة أيام و مبعد زرودية و مبعد كابويا و البسباس و البطاطا...كل خضرة جربيها وحدها ثلاث ايام باش تشوفي إذا عندها حساسية منهم ...أمبعد بعد عشريام و لا خمسطاش يوم ابدايلها الفاكية ابدايلها بالتفاح و أمبعد البنان.
Balkis: شوفي ختي طبيب قالي صبح ديريلو فرينة بصح خفييييفة مع حليب حتى يوالفها وثقليهالو .فلول ذوقيه برك خضرة كل نوع ثلث ايام وشوفي لي مخرجتش عليه من بعد بداي تخليهملو مع بعض عادي .خليه وحد عشر ايام ولا خمسطاش نيوم ديريلو كومبوت مع لعشيا.
Jouhaina: شوفي فالدفتر الصحي و ديريلها فالبيبرون نورمال انا ولدي نديرلو ربع حبة بطاطا و نص حبة زرودية و نص ورقة شلاظة و ربع سنة ثوم و ندير شوية زبدة و شوية ماء ما نديرش الملح pcq درت الفرماج و نخليهم يطيبو امبعد نمكسيهم مع نص حبة فرماج و نمدهالو فالبيبرون نديرهالو شوية خفيفة ماشي تقيلة.كي توكليلها بتيسويس لازملك مغرفة تاع السيلكون ماشي تاع الحديد وكليها غير بلعقل اللي تخرجو عاودي دخليه.
Amina : انا نوكل اولادي دايما لاسوب نتاع الزرودية من بعد نبدأ بباقي الخضر كيما القرعة اللفت والبطاطا هي اخر حاجة ندخلهالهم لانها تنفخ البيي باطل.
Om Yara : ابدايلهابالخضرة متعطيهاش لحلو كون تبديلها بلحلو تكرهلك الخضرة كل ثلاث ايام فوريلها خضر وكليها ولاحضي في لمدة هذي خرجت عليها مثلا جزر وشوفيها ومن بعد تقدي دخلي معاه خاج اخر وهكذا.
Om Eline: بنتي 5 اشهر نعطيها صباح تيسويس و و لجو تاع تشينا و لقايلة سوب خضر و لعشيا كمبوت تفاح ولا اجاص و لا قاطو بلحليب و فليل فرينة في لحليب تعها.
Houda:انا بنتي 6اشهر نديرلها لي غوم
ندير انواع الخضرة كامله
نحكم برمه صغيرة وندير فاها جريوات زروديه كعبه صغييرة بطاطا لانها تقيله على البيبي بجاويه سنه صفييييرة توم بصل خردل قطعه صغيرة صدر دجاج بروكلو كرمب هادو كامل نديرلهم الماء وزوج مغارف زيت زيتون و وشوية مليح وتحطيم يطيبو حتى يشيح الماء مشي خلاااه مي تكفى شويه وباش نميكسيهم في الروبو ونخليهم يبردو ومبعد نوكلها نديرلها قيس غدا وعشا اما لعشيه نديرلها كمبوت.
لا يوجد تعليقات
أضف تعليق