واش قالو النسا في الجزائر على كيفية التخلص من غازات البطن عند الكبار
لبنات لوجه ربي سلكوني واش ديرو كي تكون كرشك معمرة les gaz و محبوش يخرجو قتلوني بالسطر اني نبكي معنديش regulax 💔
Galia :زيت الزيتون اشربيه انا الطبيب تاع الكولون قالي وصح تم تم تولي تتنفسي
Mariem :تيزانة يخرجو ديراكت عن تجربة
Lina:زراعت البسباس أو الكمون
Kamar :ما غليه قيس ما تقدري تشربيه تقريبا نفس حرارة القهوة واشربي كاس ولا زوج وتشوفي
Lamis:زريعة البسباس وبردقوش ضربة ضربة
Khadija :ديري شوي صابون كشغل شمعة ودريها من لورة حشاك وريحي عشر دقايق ومباعد روحي لطوالات
Assile :زيت زيتون. تيزانة معاها زريعة البسباس و نعناع و الحلبة اشربي الحلبة كاش حاجة في كرشك كامل نهبط عجب الماااااااء ثم الماااااااء ثم الماااااااء
Yasmina :نعطيك تيزانة اختي جربيها ورديلي بلخبر :5ورقات رند
قرفة عود
زعتر
تيزانة لويزة
مغرف كبيرة كمون
نص حبة قارص
غليهم وشرب كاس فليح قبل النوم
كاس صباح على لفراغ
الكرش ولي ڨاز ضربة ضربة
Dima:تيزانة من خليط زريعة البسباس والكمون و حبة الحلاوة اغليهم واشربي منهم كلما تحسي بالوجع يكالمولك الوجع تم تم وتتنفسي بلا قياس
Houda :شربي كليل ولا نعناع مسكر سخون ولا معندكش حشوش ديري ما سخون وشربي شربي يخرجو
Lamis:Basbas w sport
Hiba :الكمون الابيض مغرف صغيرة في كاس ماء مطبوخ. 10 دقائق واشربي. او اشري تزانة من عند الفرماسي تزانة انتفاخ البطن مكتوب عليها الارشدات
Farah :ديري وسادة وراء ظهرك وديري حركات عكس عقارب الساعه كيما الي يديروهم للبيبي تريح مليح بربي
Rima :غلي الخروب ولا الخزامة تيزانة
Ibtissam :ختي دفي كاس ما و احكمي مغرف صغيرة تاع كمون مرحي ...خلطيها و اشربيه ضربة وحدة ....ضرك تشوفي شحال تريحي في دقيقة تكذبي روحك لا كنتي هكاك .
Fatima :روح لفلية نمسح بيه عمود الفقري وكرشي تتنفسي مليح مع مغرف كمون وشي سكر نسفهم بالماء والله رحمة ربي
Asma :كرافس مع ليمون ارحيمهم مع الماء في خلاط
Lodjaine: اشري اكليل جبل عن تجربه غليها وخليه يبرد وشربيه بلا سكر كل يوم او كل متقدري والله علاج روعه
Racha :ديري تسوية شيح في فمك وامذغيه درك تريحي
Nour :ياغورت اكتيفيا ولا تيزانة النعناع ولا زريعة البسباس
Tinhinane :سنة مكي روعة
Hala :شاربونال بلوس زوج حبات وشنو ادا تشربي كاش دوا بعدي بيناتهم
Hanine : تكاي على ضهرك و ديري بيدال فالهوا و مباعد لضي ركابيك عند كرشك وابقاي غير عاودي فيها. اشربي تيزانة فيها كمون حب و حبة حلاوة و بسباس و نقصي الماكلة خاصة العجين والحبوب و اشربي الما بش تمشي كرشك خاطر كاين لي غاز يجو من الكونستيباسيون.. وبالشفا عليك
Ranim :ديري وضعية السجود وبقاي تدلكي فصرتك دك يخرجو
Samia :شدي ليمون وحكي تحت رجليك
Fadila :بسباس مطبوخ وارفعي رجليك وابداي القتال كمون حب مطبوخ كيف كيف حكمي سنة ثوم اشويها ودهنيها بزيت زيتون وديريها سيبو
Rahaf :ديري الحلبة طيبيها تيزانة ضربة ضربة
Wahiba : اذا كنتي حامل اخطيك من تيزانات مش ملاح للحامل اشربي مغرف قهوة غبرة مع كاس ما لازم تحتميها في ثلث دقايق يخرجو ويروحلك النفخ
Wafa :اشربي تيزانة تع حشيشة المرمية والله غير هايلة
Nadjet :اختي نوريك تيزانة نفعتني ديري ملعقة بسباس.وحبة الحلوة.كمون.فليو.نعناع. 7حبات حلبة نفس المقدار في ماء مغلي 2مرات في اليوم الصباح و في الليل و ربي يشافيك
Samah :امضغي اللوبان
وديري شويا عسل في صرتك (الصرة الى في الكرش)
Sabrina :اشري من لافارماصي دواء اسمو شاربون لي هو الكربون و اشربيه راه يخليك تتنفسي مفعولو سريع و ربي يشفيك انا عايشة بيه
لا يوجد تعليقات
أضف تعليق