واش قالو النسا في الجزائر على كيفية تعطير الشعر بعد الاستحمام
سلام لبنات واش من معطر ديروه لشعركم باش تبقى فيه ريحة شابة بعد ماتغسلوه
Asma: سيروم اندريا دوتي انتاع عسل ولا هلام الملكة يخلي ريحة الشهر هايلة كي نديرو تعجبهم ريحة شعري
Mariem :Après matkemli douche w cha3rek mebloul raw3a Ultra Doux
Siham :انا ندير حليب تاع لي بيبي يرطب و يخليه خفييييف غير ريحة روعة كي شعرك مبلول بعد دوش ديريه و دلكي شعرك يخرج روعة غير ريحة تبقى تعبق و يولي خفييييف روعة
Lila:انا نستعمل بارفان سبيسيال للشعر بصح ريحتها رووعة روعة اسمها Kérastase
Khadija :ديري سيروم اندريا دوتي يدير 35الف هاااايل و يرجعلك شعرك روعة و ريحتوو توووب
Mira :ديري سيروم سواليس هذاك لغوز كي ديريه رشي برفان ديالك فلابغوص ومشطي شعرك بيها تبقى ريحة تهبل
Lamis :ماسك تريزيمي هايلة ريحته و زيد يخليلك شعرك حرير
Mina:نقولك حاجة اختي باش تتخلصي من ريحة ااشعر والقشرة دوشي ثلاث مرات في الاسبوع وكي تخرجي من دوش ديري سيروم لشعرك باش يغذيه انا ندير سواليس تاع الصبار هايل..
Karama :انا ندير ريحة في مشطة ونمشط شعري تبقا ريحة لاسقة في شعري تهبل مي قالولي الريحة في الشعر تدير الشيب
Kamar :ختي أفضل معطر انك ديري لكستخي تاع ريحة داخل السيروم تاعك تبقا في شعرك ريحة تهبلللل
Fatima :كي تغسلي شعرك وهو مزال مبلول ديريله شوي بخور تبقى فيه ريحه تهبل
البخور. عبارة عن مجموعة. من الاعشاب العطرية ريحتها. طيبة جدااا ومثيرة جداا للشهوة الجنسية عند الرجل. والمراة. تخلط هذي الأعشاب. وتتطحن وتجيبي. الجمر. وتحطيه عليه. تخرج ريحة هذيك الخلطة. اذا قدمتي. لهذاك الدخان. تبقي فيك الريحة وفي كل الدار. والقطارة. هي الاكستري نتاع لبخور. يعني. روح. البخور. تتخدم. فللدار. تجي علي شكل بارفان. تديري قطرة منها. كافية باه يعود جسمك كل. يفحفح. و زوجك. يهبل عليك. وكاين الي فبالهن انه البخور سحر ووو. لكن هو طريقة. قديمة باه. يتعطر المراة ودارها.
Galia :ناس لي راها تقولك ديري بارفا هي تشيب الشعر مديريهاش شري شومبوا ريحتو قاوية باش يقعدلك
Farah : تعرفو البخور لي يتباع
يجي بودر وريحتو تهبل يجي ف البخارة وتتبخري عليه وتبخري شعرك بعد الدوش
Basma :كي تدوشي تبخري ببخور الكويتي اسمو دهن العود رآه عند العشاب تبقا فيك ريحا تهبل
Lamia :نديرلو بديل الزيت ريحته فوووووووور
Hiba :معطر الشعر جامي درت حاجة كيماوية ومن صغري نفضل نعطر شعري على أني نعطر جسمي ، أول و آخر الحلول هو البخار العطري (للشعر و الجسم و يدوم فيك لأيام)
Hanine :انا نستعمل كريمة فاتيكا لتصفيف الشعر هايلة بصح تاع الصبار ريحتهة شابة بزاااف
Hala :انا نستعمل شامبوا gliss noire ريحة هايلة
Nadjet :غلي الاكليل ولا الشيح وخليه يبرد شوية يعني فاتر وشلي بيه يخلي ريحة شابة وصحي كلش طبيعي
Nassima :مكان لا مطهر لا والو
نستعمل شومبوا نتاع الصبار تخلي فيه ريحة تهبل وزيد ترطب الشعر وتنحي القشرة
Milissa:حذاري من الاستعمال المفرط للمواد الكيميائة تضرك اكثر ماتنفعك الشمبوان يكفي هو في حد ذات مواد كيميائية او زيد ريحتو مليحة
Lina:اشريلو كوكوني لزرق فيه واحد ريحا تهبل ديري غير شوية ماشي حتى يتزيت
Fadila :نستعمل شومبوا كليداغن صبار وزيت ارغان تبقي ريحتو في الشعر
Massilya :مانديرش نغسل بGliss mov شعري تبقا ريحتو هايلة راني 2014وانا نغسل بيه 😍💕
Ahlam:نغسل شعري بتريزيمي ريحته تهبل وتقعد في شعر وندير سيروم توم ماجيك بلو(أزرق) روعه
Hadjer :انا كي ندوش ونشف شعري بسربيتة مليح نديرلو سيروم سواليس تاع ألوفيرا مليح لتكسر الشعر وثاني ريحتو شابة ومنبعد نحب نشف شعري بسيشوار نحب نخليه ينشف هكاك
Batoul :بديل الزيت تاع فيولا لي جاي اورونج ريحتو تقعد فالشعر
Rima :شامبو جونسون تع الأطفال ريحته شابة وتبقى في الشعر
Racha :الشمبوا تكفي واذا تدهني فيه ختاري دهون ريحتو زينة ولا بديل الزيت
جميل شكرا على الموضوع
ردحذفممكن تمدولنا طريقة ترطيب الشعر