من فظلكم ماهو الحل لعزل الصوت من جهة السقف في العمارة؟
ازعاج كبير من قبل الجيران
Dalila :الفلين أوالپوليستار
Farah :كي نقلك فلين و بوليستار ... مستحيل راه تقدر تعزل الصوت
الحل
التفكير بشكل جدي في شراء منزل ارضي ...
السكن في عمارة جحيم ....
يمكنك عزل الصوت ولا يمكنك عزل نفسك عن الجيران ... فأخبارك واخبار عائلتك ستناقش في موائد مستديرة وستعيش مشاكل جيرانك التافهة...
ستبقى في حيرة على سيارتك المركونة في الشارع ويبقى اطفالك مسجونين طوال النهار في 70 م مربع الى حين عودتك مساء... من العمل
ستتمنى ان تنهض الصباح على رائحة وردة من الحديقة ... او رائحة الحبق و النعناع تدخل من نافذة بيتك ...
بإمكانك لو انتقلت الى دار عربي ... تحقيق كل ذلك
وفوق هذا ...كله ... انك في كبرك ستجلس في حديقة البيت ... تحت ضل شجرة تقراء كتاب الله وتتونس برائحة الياسمين و زقزقة العصافير وابن بنتك في حضنك الدافيء
Lina:بيعيها لاشر منهم . او هناك حل جميل علقي على باب العمارة ، ورقة مكتوب فيها منزل للبيع بسبب سوء الجيران
Batoul :ديري فو بلافون مع العزل بالقطن الصخري او الزجاجي ينقص حوالي 60℅من الضجيج اضافة للاناقة .لكن التكلفة باهظة نوع ما حيث تكلف في حدود30مليون سلعة وخدمة f3
Fatima :احسن السكن هو الأرضي حتى لوكانت العمارة في مكان احسن ..يبقى السكن الفردي افضل حل من ناحية الهدوء و المساحة
Nihade :سكنة الباطيمة سكنة الذل ختي الستوب بروي يليق ينخدم مالفوق و من التحت و الجيران لي بهاد الشكل اكيد مغاديش يخلوك تخدمي من عندهم انا دار با راه في قريب 40 عام كيما هاك ما يرقدوش حتى للزوج الثلاثة تع الليل و الدار تغلي بالبز لي ماشي مربيين يباتو يتجارو و مكاش لي ينهي ولاده متزوجين ساكنين معاه بناته لي تتزوج تطلق و تجيب معاها ڨافلة تع بز الميناج يندار على الوحدة تع الليل الجر الرديخ الخبيط الله ياخذ فيهم الحق و صايي..الحل الوحيد هو الرحيل و با متعلق بداره مبغاش يسمح فيها انا وليت ما نروحش لدارنا على جال الحس ولله ما تقدي ترقدي يا ختي..جار السوء من اكبر الفتن لي يتعرضلها المرء فالدنيا
Yasmina :لازم يتثقفو ثقافة العمارة و التي تلزم اي ساكن ان يعرف بانه محاط بجيران من كل ناحية ولابد ان يحترمهم ولا يزعجهم بضجيجه ولا اوساخه اكرمكم الله
Hafidha :..نعطيلك الحل احكم مسجل صوتي و طلع في الهاتف باش تقيس الديسيبال
من بعد روح العند الجيران فهمهم بلي اذا ديباسا 45 ديسيبال من 22سا الى 6سا صباحا هذا يعني ضجيج
اذا ما حبش يفهم روح اشكي بيهم عند الشرطة
بالادلة اللي عندك
Nassima :شفت مرة في واحد البرنامج تيليفزيوني متسابقين يعاودو يخدمو ديار قدم ويبيعوهم. المهم، من بين الامور يديرو عزل الصوت لغرفة معينة بواسطة لاموس لي تجي كيما الاسفنج هي تجي كي شغل في واحد البيسطولي سائلة وكي يابليكي تولي كيما الاسفنج. ويغطيوها بالبلاكو
Hala :الحل هو الاحترام و التربية لازم كل واحد يحترم الناس اللي ساكنين معاه ويعلم أولاده يحترمو جيرانهم
Tinhinane :من هذا المنبر أوجه نداء لهؤلاء الجيران الذين ذكرهم الأخ ان يتعاملوا مع جيرانهم بلطف و ان يكفوا على سرقة الراحة و النعاس منهم و ان يضعوا يدهم في يد جيرانهم ويحسنوا إليهم بالكلمة الطيبة و المعاملة الحسنة و في الأخير الجار هو أكثر من العائلة قربا و تذكروا ماذا قال الرسول صلى الله عليه وسلم عن الجار
Fadila :.اذا دايرين فوپلافو اشري الفلين و فرشيه فوق الفوپلافو هذا هو الحل و ديري لولترا صو باش ما ياكلكش القرلو
Mariem :ماكان حتى حل كيما انتي راكي تتمشي وتقضي شغلك في بيتك حتى لي فوقك راهم هكدا غير واش الصوت يجي قاوي كل جار يتحمل المهم مايعمللوكش مشاكل ومضايقات لازم نتحملو بعضنا وخاصة لي عندها اطفال هدي هي طبيعتهم انا والله عمري ماشكيت على لي فوقي اطفال الله غالب
Hiba :البوليستار +الصوف الصخري + سقف بلاكو بلاطر
Racha :كاين مواد عازلة و ربما احسنها هو la laine de roche
المواد العازلة عندها مؤشر للعزل، هذا المؤشر يبين قوة المادة في عزل الصوت، ولا يوجد مادة توقف انتشار الصوت بنسبة 100%، و انما يتم تخفيضه فقط. مؤشر العزل يعطي نظرة على نسبة التخفيض.
يصبح الصوت مضر بصحة السمع اذا زاد عن 80 ديسيبال.
لمعرفة نجاعة عملية العزل يجب قياس قوة الصوت لي يلحق للبيت قبل العزل، و حساب امكانية الخفض بالاستعانة بمؤشر العزل، النتيجة تڨلك اذا العملية رايحة تكون مفيدة او لا، يعني المال لي يتصرف ماهوش رايح باطل.
Nadjet :الحل الرحيل من العمارة لانو كاين جيران مهما درت معاهم مستحيل يفهمو ولا يتفهمو يكرهوك في النهار لسكنت فيه ويخرجوك من شعورك
Yousra :خيري الوقت أو عسيهم كي هوما يرقدو أو احكمي المهراز كل حاجا لي دير الصوت لي القلق لكن لازم تكوني جريء كما يقول الفرنسي un bon voisin c celui qui fait du bruit en même temps que vous
Khadija :اخدم ba13 و دير polystyrène + laine de verre
عازل للصوت و الحرارة
Rahaf :ابلاغ عند الشرطة ورفع دعوة قضائية
Fadia :لازم شوي صبر و خلاص لكان عندهم أطفال و الله أولادنا عقدناهم متجريش متلعبش حرمناهم من أبسط الأمور على جال الحس و مع دلك الجار لي تحتنا يشكي الله غالب طفل تاع 3 سنوات يجري ميمشيش كي يتنقل أبسط الأمور يدير الحس
Zahra:كاين مواد عازلة سقسي تاع ليتوشنشيتي يقولولك عليهم ولا لي يعملوه في استوديوهات قاعات الحفلات بصح راح تصرفي شوية وتتهناي
Sabrina :نعطيلك الحل احكم مسجل صوتي و طلع في الهاتف باش تقيس الديسيبال
من بعد روح العند الجيران فهمهم بلي اذا ديباسا 45 ديسيبال من 22سا الى 6سا صباحا هذا يعني ضجيج
اذا ما حبش يفهم روح اشكي بيهم عند الشرطة
بالادلة اللي عندك
Maroua: لازم يتثقفو ثقافة العمارة و التي تلزم اي ساكن ان يعرف بانه محاط بجيران من كل ناحية ولابد ان يحترمهم ولا يزعجهم بضجيجه ولا اوساخه اكرمكم الله
جيراني كانو يديرو الحس ميخليوناش نرقدو حتى حكى معاهم زوجي ولاو الماكسيموم لعشرة تاع الليل ينقطع الحس .. الحمد لله ارتحنا
ردحذفكاين طوب لي يداليو بيه سبيسيال يمنع الأصوات والضجيج
ردحذفلوردي
حذف