واش قالو النسا في الجزائر على أهم الحلول والنصائح والمنتجات للتخلص من الرائحة الكريهة للمراحيض؟
سلاام👋
خياتي أعطولي حل لريحة التوالات أكرمكم الله والله عياتني مع لي نسكن باطيمات ماصبت كفاه نديرلها لي مجربة برودوي مليح تحطولي
Samia :كثريلها الماء لازم تكون نقية وكاين هاديك الكافور حجرة كبيرة هاديك ألي تتعلڨ في تولات وغلقيها تولي تولات مافيهاش ريحة هاديك العيانة
Mariem :ممكن يكون مشكل في تولات نوىمالمو يدرلها بلومبي سيفو باش مترحش
Hanine :اغلقيها،مهما نظفت الريحة تبقى لذا ضعي لها غطاء
Hala :احكمي ڨوبلي وديري فيه قطن وعمريه بصانيبو امير الابيض او الزرق يشدلك سمانة وهي تطلق في الريحة
Fadila :ماكاش حاجة تنقي التوالات كيما الجافال وغطيها باش ما تطلعش ريحة ديريلها قرعة تاع ما
Batoul :احكمي قرعة صغيرة تع لما هدوك عمريها نص صانيبو يكون جال احسن كيما العملاق ولا سائل و اثقبيها بكل و حطيها منين يعمر لما ف لاشاص هديك لي تنقي حشاك ولا معندكش ديريها ف بيدون تع لما و كثري صانيبو
Lina :ديري روح الملح فرغي زوج قرع ورديلي بلخبر👍
Yousra :اذا كان لي فوقك ولا لي تحتك مايحطش الماء والله وديري واش ديري انا عن نفسي دايرة قرعة ماء تاع 2 لتر معمرتها ماء ونحطها على الفتحة تاع توالات ووصانيبو آمير الابيض
Yasmina :الجافيل كل يوم والقريزيل احسن شي لتنظيف
Galia :اشري ساشيات هذوك بلاستيك فيهم ليكيد تع الخزامة ام 3 ب 10 الاف ريحتها تهبل وديري ريحة لي تتعلق تبقى دنيا مفحفحة
Hiba : كي طيبي القهوة هذيك التلوة ارميها داخل المرحاض او ضعيها في أي مكان فيه رائحة الثلاجة مثلا.
Tinhinane :اشري لغطا تاع تواليت وديري شوي قطن في قوبلي او اي حاجه صغيرة وفرغي عليه صانيبو الامير ابيض حتا يتغطا لقطن والله ريحتو تقعد 24 ساعه
Farah :ماعندك حتى حل
ارمي فيها الماء مليح مليح حتى تصفى من بعد البسي قفازات طوال وجيبي ليبونج و دخله فيها حتى تنشف من الماء كامل تعود فارغة مليح مليح
جيبي ثلاث ولا ربعة قراعي تع لاسيد وفرغيهم فيها وخليها ساعة ساعة ونص من بعد ارمي عليها الماء مليح مليح ومن بعد اغسليها بالجافال والصابون وشليها
عاوديلها هذ الطريقة مرة كل شهر حتى تحسيها عادت صافية ونقية ممكن ثلاث ربع مرات
بصح ردي بالك مليح على روخك واولادك لاسيد راهو دونجي
Kamar :كل يوم صباح فرغي بوشون تاع صانيبون يكون نوعية مليحة بعد ماتغسليها وتنشفيها وخليه انا والله دايمن نديرها وتوالات تاعي ريحتها تهبل ولي جي عندي يقولهالي
Maram :دار لي كاريتها هكذا ريحة لاتطاق مع لعلم جميع انواع المنظفات استعملتهم مكان والو لحل الوحيد شرينا وحد الباطة تتباع عند كانكاري فيها سيليكون ازرق جي في فم التوالات تسكرها متخرج حتى ريحة
Lamis :الحل لي يدخل انقي ويرمي الماء وشوية صانيبو كالكبار كي صغار ...النظافة المستمرة هي الحل انا تاني الدار صغييرة والتوالت حشاك لداخل ومافيهاش التهوية بصح جامي تشمي ريحة فالدار
Maroua :كاين معطر جو خاص بالمراحيض مرسوم فيه مرحاض ابيض حاشاك سعروا في المتناول ويحكم حتى شهرين والريحة ترجع روعة جربيه مكتوب فيه معطر ممتص للرائحة خاص بالمراحيض والحمامات.
Fatima :ديري روح الملح خطرة فلعام
وقرعة مخلطة جافال وماء رشي يوميا ونقي بايزيس وشلي مليح ولقريزيل تاني في فشفاشة والبول لازم تم تم يتكب عليه الماء على الاقل ماشي تخلوه ينشف
Khadija :صنيبو الامير لبيض فرغي في الطاس تع الشيتة لي تنقي بيها التوالات والله ريحتو مليحة تهبل
Racha :كي تكون الريحة كاينة فاالتوالات وهو نقي أكيد بسبب القنوات ماهمش مخدومين مليح ترجع الريحة للداخل رغم التنظيف المستمر
Basma :نفس المشكل انا رح نشري كريستو ونديرو ينظف الجعب قالولي عليه ومجرب
Karama :إذا توالات اونقلاز احكمي قرعة صانيبو اثقبيها مالتحت بموس حاجة خفيفة و ديريها وين تعمر الماء هكا كل ماتطلق الماء يريح صانيبو و اذا توالات عرب لازم قرعة صانيبو للداخل لي يدخل يفرغ بوشون قبل مايخرج
Wafa :لازم ثقبة تتبلع ختي ياتشري هداك بلاع يا تعمري قرعة باسيما وتولي حشاك تبلعيها ومام مليح للطوبات مايدخلوش وديما ديري قرزيل في هاديك شيتة تاع توالات خليها معمرة جافيل وقريزيل يولي ريحتو علامة
Nadjet :انا ملي سكنت اكثر من 15سنة درت كل لي بردوي الي نعرفهم والخلطات حتى الريحة تقتل كي يكون نهار الريح ڨبلي نجيفو بالريحة لكن اذا عرف السب بطل العجب الصيف الماضي اعيد تجديد انابيب الصرف الصحي الباطيمة كاملة وكذالك تنقية وغسل القادوس الخارجي للبطيمة بالاشتراك مع جميع السكان تهنينا من الريحة نهائيا
Souad:مام اديري لغلاق تاع التواليت ماتروحش الريحة انا كانت التوالات حاشاك تريح حتان دارلها الكود S باش راحت الريحة اكيد دايرين السيفون ديراكت مافيهاش كود
Maissa :بدلي الكود sومتخليش بين لكود والماء لهواء ديركت في الماء باش ميتنفسش بتجريب الاخت
Halima :ديري بونجة تكون مشربة مليح بالجافيل و الصانبو و شوية لما في لاشاص و كل مرة يهبط الما ريحتو تعبق بالصانيبو تشدلك تلت ايام
Samah :اخدمي دي كابسول
ب بيكربونات و ايزيس فيسال اسيد سيتريك و خل و ديريهم ف ديمول صغار ابري حطيهم فبلارات و كل. مرة اجبدي و لوحي قبل ماتيري السيفون و تاني شوفي تيو بالاك منو و اشري دونتيفريس جديدة تع نعناع ولا و اقسميها فنص و لوحيها فلباطة هذيك كول ماتيري لاشاس تولي ريحة مليحة
النظافة تحتاج المداومة على التنظيف وحسن اختيار منتجات التنظيف
ردحذف