واش قالو النسا في الجزائر على طريقة تنظيف مناديل المطبخ من الدهون المترسبة
سلام خياتي واش ديرو ل طراشن كي ايكون مسبكين يعني معمرين ب ليدام والزيت (مناديل المطبخ المليئة بالدهون)باه يتنحى وشكرا
Farah :انا نشمخهم في فورس اكسبراس تاع الدهون ابري نعاودهم في ازيس يخرجو يشعلو
شوفي راه كاين الخاص تاع القش وحده وكاين تاع بقع واوساخ اخرى وحده
Dalal:فورس اكسبرس الخاص بالقماش انا نحطه على البقعة بصح تكون يابسة نخليه خمس دقايق ونحكها نلقاها اصلا راحت نغسل عادي نكمل .اصلا راح ميحرقش في الايد ابدا وريحته زينة يعني متخافيش من لحريق ماشي كيما تاع الاواني وكويزنيار
Rima:شوفي غلي الماء و ديريهم يغلو شوية مبعد زيديلهم اومو غبرة و ساشي خميرة الحلوى و غليهم شوية و رديلي الخبر و ماتنساينيش بدعوه خير في ظهر الغيب
Mariem :اولا حبيبتي علمي اولادك كي يتعشاو ينوضو يغسلو ايديهم بالصابون هاك يبقاو نقيين ثانيا كي تغسلي لماعن اغسليهم كل ما تجبديهم واذا لهيتي واضطريتي ولقيتيهم مسخين نوريك واش ديري حمي الما بعد ما تغسلي ماعينك فاليل وتكملي وافتحي طراشينك في باسينه ديري فوقهم صابون نتاع الغبرة موش سائل وكبي هذاك الما الحامي فوقهم وديري جافيل وخليهم الصباح كي تنوضي اغسليهم الصباح ميتعبوكش 😊فقط كي تديري الما الحامي حاولي تديريه في بلاصه بعيدة على الاطفال يحرقو ثاني تدعي عليا
Lamia :تطليها بصابون حجرة سيدو وتنشرها مباشرة ليوم كامل بعدها حكيها مليح.مجربة
Hanine :نديرهم في الما السخون و ليكيد تاع الماعن و الكريستو يا ختي يخرجو يشعلو وتقدري ديري قطرة ماء جافيل
Maram :ماء ساخن
كريستو
خل ملح
صابون طرف سيدو
سائل غسيل......اختصري كامل المراحل و جيب قطعة قماش مقصيها و استعمليها اذا ماعندكش باه تشري
نصيحة الطرشونة يوميا بعد انتهاء تغسل و تعرض للشمس و الهواء حتى تجف ماتخلوهاش يسواد سعدها
Karama :انا منخليهمش أصلا يوصلو لديك مرحلة ديما قبل منغسل لماعن نحطهم فالما الغليان والجافيل كي نكمل غسيل لماعن نلقاهم تنقاو نغسلهم بازيس ولا اومو غبرة ونحطهم يشيحو منخليهمش مشمخين
Hiba :ارحي صابون الحجرة و خلطيه مع قليل من الماء وماء الجافيل وحطيهم علي النار و خليهم يغليو جيدا ومبعد عاودي اغسليهم بسائل الاواني يطلعون يشعلون بالنظافة
Khadija :احسن و أسهل طريقة ديري الطراشن داخل كسرونة عمريها بالماء و ديري لهم الصابون تاع الحوايج و زيديلهم شوية خل خليهم يغلو فوق النار واحد الخمس دقايق طفي الفورنو خليهم يبردو شوية حتى تقدري تحملي بيدك و حكيهم و اذا لقيتيه مازالو يحتاجو عاودي لهم مرة ثانية يروحلهم كل شيء
Fatima :ديريهم يباتو في ما سخون فيه الملح و الصباح حكيهم بصابون الحجرة من بعد ازيس باه تروح منهم ريحة الصابون انا هكا نغسلهم
Hanine :بيكاربونات مع خل مع صابون سائل مع ماء يغلي
تحطي فيهم المناديل لمدة نصف ساعة وتحكيهم بين يديك وتغسليهم يطلعو نظاف
Fadila :علاه تخليهم يتعلكو ختي ودير فيهم. ريحة كل ماتكملي نهارك ف كوزينة و تغسلي ماعن ديريهم ف بسينة معا شوية إزيز وجفااال ضربيلهم غسلة ليه ليه وديىهم ينشفو يصبحو نقيين ومتقعدش فيهم ريحة
Lamis :الطرشونة تستعمل مرة واحدة فقط و بعدها تنغسل كيما يتغسلو لماعن بعد كل وجبة، يعني كي تخملي طابلتك أغسلي ميعناتك واعركي طراشنك ماتطويهمش وتحطيهم يرفدولك البكتيريا
Batoul :نا دير برمه فيها ماء وصابون وجافيل ونحطها فوق نار تبدا تغلي ندخل طراشن كل ثم نخليهم يغلو فيها مليح حتى يتبدل لون لماء منبعد نحيهم ونعاود.نغسلهم بيدي بصابون وجافيل وازيس يخرجو جدد يهبلو عن تجربة وديما نديرها
Nour :الا فيهم بقع تاع زيت حتي وقدم احكمي النشاء والا الطالذ تاع ليبيبي رشي مليح هاديك البقع وعقبي عليهم بالحديد مليح مليح مبعد رغونيهم بصابون الطرف وشوفي النتيجة انا جربتها في سروالي تاع الجينز ساحلي عليه زيت تاع التونة اقسم بالله راحت لاطاش
Tinhinane :نديرلهم ماء سخووون قريب يغلي و آريال ونخليهم يباتو والصباح نرمي هاذيك الرغوة ونعاود نديرلهم ماء سخون ونطليهم بالطرف يخرجو يشعلو
Lina :افتحيهم في بسينة وديري غير شوي ما سخون وديري معاهم مكشط تاع ١٠ الاف كثري بصح حركي بكاش حاجة عندك تمسي بيدك خليهم و مرة على مرة حركي تلقايه الماء تاعهم كل قسبك شليهم مليح وعاودي بصبون الطرف والجافيل غير باه تتنحالهم والريحة تاع المكشط وانشري فالشمس يرجعو جدد
Lara :انا ندير خلطة الكريستو يباتو فيه والصباح تغسلهم يولو ساهلين
Ilham:ختي ايلا تعرفي تخسري بزاف اومو رميهم وشري رام ستة بعشرين ولا شري نص ميترة بخمسطاشالف وخيطيهم ولا حبيتي نتوعك سخني لما وديريلهم صابون حجرة وخليهم يتشمخو وبعدها شلي وديري رغوة أخرى بجافال وصابون غبرة وتان متزيديش تخليهم حتى يتعمرو وعلمي ولادك يغسلو ليدام احسن من مسيح طراشن بتوفيق ختي
Nadjet :رنخيهم في ماء والمكشط لي ينضفو بيه ليدام تع لماعن صدقيني عن تجربة ينضفهم مليح واغسليهم بنفس لماءلي رنختيهم فيه اغسليهم في لغسالة لتفادي حرق يديك ومبعد اغسليهم بصابون والجافيل تشوفي نتيجة مبهرة
Nassima :ليك اختي عن تجربة ماديرلهم لا صابون لا ما سخون شمخيهم فالازيس خليهم ساعة ولا زوج حكيهم شويا وبدلي رغوة عدة مرات حتى تتحصلي على نتيجة لي حابتها
الايزيس هو لي ينحي ليدام والله يخرجو روعة سييها ورجعيلي لخبر
أنا ضد استعمال مناديل المطبخ لمدة طويلة كل ما نشوفهم بداو يسبكو ترحيهم ونشري لجديد
ردحذفكيفاش ترحيهم؟ ممكن توضيح
حذفمن الافضل كل ما تكملي غسيل لماعن تاع لعشا تغسلي الطراشن تاعك مليح وتنشريهم يقعدو ديما نقيين
ردحذف