واش قالو النسا في الجزائر على طريقة الاحتفاظ بالكسبر والمعدنوس في الثلاجة طازجين لأطول مدة ممكنة
كيفاش نخبي الكسبر والمعدنوس باش يبقى جديد وشكرا مسبقا 🥰🥰
Hala :حطي معاك زوج مغارف اينوكس وغلفيه بلباي بعد ساشي يقعد سمانة
Om walid: جيبي الكسبر تاعك ولا المعدنوس كيما راه متغسليهش واذا كان مشمخ خليه حتى ينشف وحطيه في الورق الماص ولا سارفيات لويه مليح وحطيه في ساشي ديراكت للثلاجة ماتحطيهش فلقجر لازم يتحط في رفوف الفريجيدار يقعدلك كيما راه أطول مدة ممكنة .طريقة مجربة وفعالة متندموش عليها.
Nour :ديريه في بورطمونجي وديريه في طرشونة وصكري عليه يبقى هو
Hanine :شوفي ي قبل يقعدلي بالعشرين يوم ديريه في زوج ساشيات وربطيه زين ماتخلهيلوش لهوا يدخلو وتشوفي
Racha :انا نديره ف اليمينيوم والله صدقيني يبقى جديد برك ميكونش مشمخ ونشفيه مليح وخبيه كم قتلك يشدلك روعة
Khadija :نشفيه مليح من الماء ولفيه في سربيته يقعد هوا هوا عن تجربه
Mariem :قطيعيها ربطة عادي و حوطيه في بورتمونجي في فريشدار و خلاص ضك تبقا جديدة ✨🖊️
Yasmina :أنا جربة ورق اليمينيوم تقعد جديد كيما راهي حتى 20يوم عادي
Lamis:دريه في ورق الماص و رشيه بالشوية نتاع ماء وديريه في باطة وحطيه فالكونجيلاتار
Siham :ديريه في صاشي وحطي معاه مغرف ولافرشيطة اينوكس والله يقعدلي حتى تخلاص الربطة وهو اخظر يوصل حتى لشهر الطريقة هاذي نخدم بيها عندي شحال
Lina :ما تخليلوش لهواء يقيسو برك ديري بابي. وفوقها المنيوم ولا ساشي ولا ديريه في منشفة وديريه في بورت مونجي تتغلق وكي تحلي تستخدمي وعاودي رجعي حوالي ترجعيه كيما كان باه ما يقيسوش لهواء يقعد مدة 15 يوم
Ranim :شوفي أنا ما تشمخوش نخليه ناشف و نديرو في ساشي تاع congélation والله غير يقعد سمانة ولا كثر
Yasmina :وحدة دارتو في كاس ماء كيما البوكس دفلوغ وغطاتو من فوق ب بلارة كبيرة تاع زجاج وغلقتها من تحت بغلاقها وحطاتو فالثلاجة انا شخصيا نحطو في ساشي دو جونجيلاصيون ونحطو فالثلاجة والله مايفسد
Hiba :نغسلو ونحكم طرشونة مشمخة نحطو داخلها ونحطو فلفريجيدار عادي وتان يبقا فريشك
Zina :دريه في برتمونجي وغلقي عليه ما يقسوش لهوا يبقالك كما هو
Lina :شوفي نعطيك طريقتي تخلي يستفادو منها ناس متغسليه ما والو جيبي بول ولا حاجة هك ديري فيها ماء عادي من بعد جيبيه كي شغل حطيه في هذاك الكاس ولا كيما البوكي يعني حطي غير العروق هذوك وجيبي ساشي تاع نيلو وغلفيه من فوق وحطيه في فريشيدار كل ما تسحقي نحي ورجعيلو غلافو والله بشهر يقعد كيما راه
Batoul :اغسليه وخليه يقطر ينشف مليح وحلي قرعة ماء فارغة على طول وحطيها لداخل كل ماتسحقي اجبدي يقعدلك جدبد
Karama :دريه في ساشي واغلقيها وخليها منفوخة وحطيه لتحت في الثلاجة والله ماتروحلووحاجة متخليش الماء يقيسو برك حتان تولي رايحة تستعملي واذا جي تقطعي منو وتولي تخبي متنحيش بالموس طريقتي يقعد شغل هذوين شريتيه
Hadjer :باش القصبر والمعدنوس يشدولك مدة طويلة
...... نقيهم ونشفيهم من الماء لي يجي فيهم بالبابيي
...... حطيهم في بوغت مونجي تكون تتغلق مليح
...... حطي معاهم مغرف ول فرشيطة كيما في الصورة
..... غلقي مليح وخبيهم في الفريجيدار التحت عادي راح يشدلك حتى لعشرة أيام وهو جديد
ملاحظة: الملعقة راح تخليلو الرطوبة ومينشفش
Zahra :جيبي قماش يكون حنين كتانة وغلفيها فيها وبعدها في قرعة ولا صاشي انسي يفسد
Lamia :احسن طريقة نقطعو ونخبيه في بورت مونجي يقعدلي قريب اسبوعين بلا مايذبل وايفسد وكي نجي نستعملو نغسل قيس ماندير
Nour :أنا نشريه نغسلو ونشفو مليح ونديرو في باطة في كنجيلاتور نفس الشء ندير مع معدنوس و كرافس خاصة في رمضان رحمة ربي
Wahiba :نقيه و بلا ما تغسليه لازم ناشف مرات من عندهم بجي مبلول بالماء و حطيه في صاشي محكم مثل نتاع كونجيلاصبون و انا نحطه في الثلاجة في الباب و الله يبقى روعة لاآخر ورقة فيه
أنا ماما نشوفها تقطعو ونحطو في بوغت مونجي فلكونجيلاتور كي نسحقو نجبدو منو
ردحذفمشكوووورات على المعلومات القيمة
ردحذفالكزبرة مليح تتغرس في البلكونة ولا سطح المنزل تبقى دايما طازجة
ردحذف