واش قالو النسا في الجزائر على الأشياء لي تبين أنوثة المرأة
سلام لبناات
حبيت نتعلم كيفاش نولي امرأة مفعمة بالأنوثة.. علموني بليز ❤
Farah :مواصفات الانثى اولا لباسك لازم تكوني انيقى في نفس الوقت محتشمة وصوتك ديما رقيق والهدرة ماتحكيش مع الناس ليبر سورتو الرجال مش تحكي معاهم كما صحبتك الخجل صفة ذكرها ربي في القرٱن حاولي مابكونش وجهك صحيح وحاولي ديما تقري حساباتك وهدرة الناس وحاولي تبيني بلي عندك باباك تقادريه وتحشمي منو وخاوتك تاني لانو الرجال مايحبوش المراة الحرة لي دير رايها تبالهم مطلوقة ماتخرجيش بزاف اتفقهي شوي في الدين اي رجل يتمنى تكون ام اولادو تعرف باه ترسخ الدين فيهم لي تقولك الانوثة لا تكتسب تكدب عليك مالا علاش الناس تركز على تربية الطفلة لانهم يحاولو تكون كاملة وذكية لانو تمنع بذكاءها ودهاءها مشي بجثتها
Yasmina :مترفعيش صوتك... متستعمليش يديك كي تهدري..... اهدري مع الرجال بإحترام و خجل..... ماتكونيش ثرثارة...... اللباس المحترم اجنبي تلبسي السروال..... ماديريش رجل فوق رجل يعني لمي رجليك كي تقعدي......متضحكيش بصوت مرتفع...... ركزي على الحياء
Nour :ديري نظام و قانون لعمرك، ديري نفسك هي الاولوية في حياتك: اولا الجانب الديني: اهتمي بصلاتك بيها تتنظم اوقاتك و تحلى حياتك، تحسي انك عايشة لهدف تعبدي ربي سبحانه، و ديري ورد يومي من القرآن يا لوكان حزب و ورد استغفار و لا تسبيح، ديريهم كتحدي ليك و مع الوقت متقدريش تستغناي عليهم، حبسي الغيبة و الهدرة الزايدة متضيعيش طاقتك و حسناتك في حاجة متفيدكش، كوني طيبة و نيتك صافية صدقيني هذي حاجة تظهر فالعينين و ع الوجه مهما درتي تبان الطيبة و تبان المسمومة، و احتسبي كلش لوجه الله،
ثانيا جانب الوعي و التفكير و المشاعر:
اقراي كتب و اسمعي محاضرات لي يطوروك و يوعيوك، ابحثي في موضوع تطوير الذات و الوعي الفكري و المشاعري باش تفهمي روحك، صدقيني اهم حاجة تفهمي نفسك امبعد تولي تقدري تفهمي الدنيا و الناس و كيفاش يخمموا و تولي تعرفي تسيري و توصلي لاهدافك.
ثالثا :
الجانب الجسدي و لا الجمال الخارجي و للاسف حنا دايما كي نقولو انوثة نخموا ديركت كيفاش نطول شعري و لا نبيض روحي و لا نسمن و لا نشيان، و هدي حاجة صدقيني ايلا قدرتي تكوني جانبك الديني و الوعي و التفكير و المشاعر تاعك كانو مضبوطين رح تقدري تتحكمي فيها بكل سهولة، لانك رح تعرفي انك جميلة بطبيعتك و عفويتك و كيما راكي مشي كيما لازم لوخرين يحبوك تكوني، اوكي الاهتمام بالنظافة و الاناقة ضروري مقلنا والو، بصح عمرك مرح تقدري تلقاي وش راكي حابة تكوني و ستايلك كيفاش يكون و وش يواتيك و وش ما يواتيكش اذا كان عندك وعي صفر، يعني مغيبة تتبعي برك و ديري وش يديرو ناس، حتى و ايلا كانت حاجة متناسبكش
و هدو نصائح صغار تقدري تبعيهم باش تعتني بجسمك :
كل اشبوع لازم حمام معتبر يعني بالكياسة و ماسك و لا حمام زيتي لشعرك وماسك طين و تقشير و ماسك تغذية لوجهك و يديك و تقشير لكعوب رجليك.
بلسم الشعى مهم جدا جدا جدا اذا كان شعرك ناشف و لا تالف
ماسك بذر الكتان للشعر من العجائب السبعة 😂
نحي شعر ليه ليه
رطبي جسمك بزيت جونسون بعد الحمام
البسي ملابس داخلية قطنية و امسحي كي تدخلي للتوالات اشري فوط صغار مخصصين لهذا الغرض
اذا وجهك فيه حب و عندك قدرة تروحي لطبيب جلد روحي و اذا متقدريش عليك و على صابون حجرة روووعة
اعرفي نوع بشرة وجهك و ابحثي على وصفات ليه ع اليوتيوب
كلما تحسي روحك عيانة روحي ديري دوش خفيف ساخن و ديري تدليك لجسمك و راسك و رجليك
دفي روحك متقعديش في بلاصة باردة
ادخلي يوتيوب و ديري فيديو تع سبور و استغلي وقت فراغك في حاجة مفيدة
و ارفعي معدلات هرمون السعادة
اتعلمي ماكياج و شوفي حاجة لي تناسبك و ديريها
اتصوري بزاااااااف و خرجي اجمل تصاورك احتفظي بيهم مدامك في مرحلة الشباب
يبقاولك ذكرى و توريهم لحفيداتك ❤😘
اتعلمي طبخ و اتعلمي اشغال يدوية اتعلمي تخدمي كل حاجتك بيدك باش متسحقي حتى واحد و اكيييييد اقراي و اخدمي لمستقبلك و ديريها كتحدي
Nassima :انوثة فل طريقة الكلام انوثة فل لباس انوثة فل مشية انوثة فل قعدة انوثة فل لي جاست انوثة فل صوت انوثة فل نظرات ....
Basma :الأنوثة هي الأخلاق و الأدب، الأنوثة رقة و احترام، لا أحد ينظر لامرأة جميلة بلا أخلاق لا أحد يريد امرأة طويلة اللسان، اخفضي صوتك و كوني ناعمة و حنونة في تصرفاتك، هذه هي الأنوثة الحقيقية.”
Kamilia :هناك مشكلة فلسفية .الانوثة لا تستلزم ماسكارا او عطر ...الخ بل هي تنبع من شخصية الانسان هرمونات ..... .ولذلك نجد بعض اشباه اارجال يملكون احساس الانوثة يقدروا ان يتحولوا الى انثى .
Fatima :فجاءته احداهما تمشي على استحياء
هذا ما رآه موسى من فتاة مدين وجعله يقبل بها زوجة .
Fadila :يابنتي لعندو لسانو يركب حصانو وكلام ضريف يرضع اللبة وبديننا الكلمة الطيبة صدقة ...قال رسول الله -صلى الله عليه وسلم-: (تَزوَّجوا الودودَ الولودَ، فإنِّي مكاثرٌ بِكمُ يومَ القيامة ) والودود هي المتحببة المتلطفة بكلامها وتختار الكلمات الطيبة حسنة المعاشرة ...
ان كنت انسانة نكدية وتتكلمي بصوت مرتفع حاولي تغيري طبعك وتختاري الكلمات التي تجبر واختاري الاوقات الي تشكي فيهم والاوقات الي لازمك تنقصي من روحك وتنقصي بل تغييرين نبرة صوتك ... لكل مقام مقال ...ولاتصدقي لتقلك وعلاش هو ميتغيرش وتعاملي بطبيعتك لانك انت لتغيريه والطبع مكتسب ...الاسد روض باللين والدهاء فكوني ذكية بمعاملتك وكل شيء سيعود عليك بالخير ...والدعاء يغير القدر ويغير الطباع والاحوال.
Dalila :لازم مترفعيش صوتك تتكلمي بلعقل وبهدوء
لازم تهتمي بشكلك ورشاقتك و تصفيف شعرك وريحتك ديما زينة ولبسك متناسق.
وماتحاوليش تتصنعي الأنوثة خليها تكون نابعة منك بشكل طبيعي باش متبانيش متكلفة.
خلي ابتسامتك ديما مرسومة على وجهك وضحكتك حلوة.
واستعملي الألوان الزاهية لباهية في لبسك ومكياجك ومقتنياتك.
خلي لسانك ديما حلو وكلامك موزون .
لا للصراخ.. لا للعنف والعصبية.. لا للتصرفات الرجالية .
Lamia : باش تباني أنثى بمعنى الكلمة لازم تكون ملابسك عليها لمسة رقيقة
وبلمسة شابة وحنينة ولازم تكون عندك مجوهرات او اكسسوارات منسقة كذلك.. عطر هادئ وناعم..مشيتك كي مشية لحمامة .. اذا تقدري خلي شعرك طويل واعتني بيه وحاولي تحافظي على جسمك نظيف وبشرة ناعمة خالية من الشعر.. ولازم تصرفاتك تكون أنثوية وباش تتعلميها لازم تخالطي النساء الأخريات . واهم حاجة تكون عندك ثقة في نفسك وفي جسمك وذاتك.
ما تجادليش بزاف وماتعانديش.
خلي أخلاقك فوق فوق وتجنبي السلوكيات الذكورية.. خليك مثقفة في شتى المجالات وفي الاخير نوصيك حياؤك ثم حياؤك هو رمز أنوثك وتربيتك حافظي عليه .
صراحة موضوع رااائع جا في وقتو يعطيكم الصحة
ردحذفنصائح جميلة شكرا لكن❤❤❤❤❤❤
ردحذفالأنوثة فطرة في المرأة
ردحذف❤❤❤❤❤
ردحذفروووعة استفدت بلبزاااف ميرسي
ردحذف