واش قالو النسا في الجزائر للحامل بجنين مشوه
بنات راني حايرة دبرو عليا
عندي جنين حي مشوه عمره شهرين و التشوه كبير يعني مايعيش بيه حتى لو يزيد يموت والطبيبة تاعي قالتلي ولي على ٢٠ يوم باش طيحهولي خاطرش هي ماتكونش و انا خايفة يزيد يكبر و تصعاب
حابة نشوف طبيبة وحدوخرا كنت نتبع عندها من قبل باش تكونفيرميلي
واش رايكم نشوف هاد الطبيبة الثانية باش نتأكد و نستنا الاولى كي ترجع تنحيهولي
ولا نقول للثانية تنحيهولي
شكون مرت بهاد الحالة تع الاجهاض تحكيلي تجربتها و خاصة بسبب الشوه
و حابة نعرف كيفاش تكون طريقة الاجهاض في شهرين و في ٣
Nadia : يا حوامل اتقو الله في اولادهم لا السبيغة لا لا ديفريساج لا المواد التى تستعمل مع الحنة كم من تشوه صرا بسبب المواد الكيميائة كم من اجهاض صرا وكم من تشوه.. أيضا حذاري من مواد التنظيف والجافيل كلها خطيرة .. ولازم الالتزام بشرب حمض الفوليك لي يحمي الجنين من التشوه ... هذي قلتها فقط بين قوسين للنسا لي ميستحفظوش على البيبي تاعهم ويستعملوالمواد الكيميائية لي تسبب تشوهات الأجنة.
Narimane : شوفي ختي في الحياة أي حاجة تصرالنا نردوها للشرع والدين.. وديننا يقول ماتطيحيش البيبي إلا إذا كان يهدد حياة الأم تاعو.
٥
Farah :خليه حتى يزيد و يموت وحده وزيدي سقسي اهل الفتوى واكيد شوفي زوج ولا ثلاث طبييات ميش حاجة ساهلة راهي روح
Hala :+ زيدي شوفي رأي طبيبة خلاف واذا لزم الأمر زيدي شوفي وحدة خلاف كي تكون المعلومة ماكدة منهم للثلاثة لتم روحي طيحيه هكا ماتديش ذنوبو
Nour :بلاك نحكيلك ما تٱمنيش
ختي قالتلها طبيبة طيحلها الجنين باسكو مشوه
هي وراجلها ماحبوش وقالوا نخلوه كيما دار ربي مرحبا
علاش ماتولدش طفلة الزين والصحة و دوكا راهي تقرا
ختي نصيحة زيدي اتاكدي من عند زوج طبيبات واحد اخرين قبل ما تقرري
والله يجيب الخير
Yasmina :شتي كاين اطباء مايعرفوش انا تاني نفس الحكاية صراتلي قاتلي معوق بنسبة 80 بالمية طيحيه خيرمن تولدي وتعذبيه وتتعذبي معاه قتلها نحكم في ربي وفهذيك 20 بالمية اللي ممكن يكون فيها صحيح يخي ولدت طفل ماشاء الله اللي يشوفو يعشق فيه ربي يحفظهولي لاباس عليه الإعاقة في روسهم مايعرفوش ويخلعو فالناس
Rima :انا كنت حامل وفي 4 اشهر عرفت بلي مشوه مستحيل ندير اجهاض كما مدو ربي سبحانه كما يديه ديننا مايسمحش بالاجهاض الا اذا كان يضرك انت
جاتني ولادة مبكرة في 8 اشهر وتوفاة بنتي في الولادة
Racha :في هذا الحالة تاعك إجهاض ليس حرام لكن زيدي شوفي طبيب اخري يمكن يكون رأي اخري
بنت عمتي كان عندها جنين مشوه قالولها تعملي اجهاض بيسك هو بعدما يزيد يموت مباشرة تشوه في راس و مخ نصف راس مكاش هيا خلاته حتي زاد و مات و سمتو عبد الله ولدته نورمال عاش اكثر من ساعة و مات.
Karama :انا نعرف وحدة هاكدا في ثلث شهور قالتلها هاكدا هيا ماحبتش طيحو كبرتها طفلة وكيولدتهة وتعدبت معاها ماتت وهيا قريب ماتت معاها ....فالدين يختارو الأصل ادا حالة الجنين تستدعي انو يتنزل يتنزل هادا شي مافيهش لا مشاعر لا دراما ...زيد شوف طبيب خلاف وزوج وثلاثة من حقك المهم ماتخليش الوقت يفوت وتصعاب
Hafidha :الروح راهي فيه مي سقسي مفتي في حالة تشوه اذا حلال ولكن لازم تاخذي راي شحال من طبيبة باش تتأكدي بلي صح مشوه
Kamar :الله عزوجل هو المدبر الميسر ماتقلقيش روحك خليها فيد ربي سبحانو ولا مشوه يحبس قلبو ويموت بلا ماتنحيهولك طبيبة ماتديش روح تاعو .وزيدي سقسي من ناحية الشرع .وربي يعوضك ان شاء الله
Fadila :نصيحة ماتطحيش البيبي خليه قد ماكتبلو ربي يعيش لانو ربي حط فيه الروح في 40 يوم في كرشك و يكتبلو شخال راح يعيش و كيفاه خلي ربي يدبر أمورو حتى لو كملتي الشهر التاسع وولدتيه و سميه ووقتها كيما مكتبلو ربي بالوكان يشوف الضو يكون شفيع ليك و لباباه يوم القيامة و حتى لو ربي كتبلو مايكملش شهور الحمل المهم متكونيش سبب و استخيري ربي سبحانو و كتري من الصلاة قيام الليل الاستغفار الدعاء و اقراي سورة الضحى ( ووجدك ضالا فهدى) درك ربي ينورلك طريقك بلا ماتسقسي واحد
Joujou :يتنحى في حالة وحدة اذا كان يشكل خطر على حياتك اما حكاية مشوه ما يدروش اجهاض عليه
خليها على ربي
Dalila :يتنحى في حالة وحدة اذا كان يشكل خطر على حياتك اما حكاية مشوه ما يدروش اجهاض عليه
خليها على ربي
Hadil :يعطيك خاطرك ديري اجهاض ؟ زيدي اسألي لكان ماشي حرام خاطر الاجهاض يكون غير كي يضر الصحة تاعك و ربي يعوضك.
نصيحة زيدي استشيري طبيب آخر واتركي الأمر لله مغير الاحوال حتى الاطباء يغلطو و ربي قادر على تغيير كل شيء
Noura:يا أختي الغالية انا مريت بهذه التجربة و مطيحتوش كملتو حتى لشهر التاسع و الحمدلله مدلي ربي صبحانو قناعة تامة و كنت نتعامل معاه و هو في بطني و كأنو راح يعيش و جاتني زيادة تاعو ما شاءالله و الحمدلله ساعتين ومات توجعت لكن ماشي منو هو مدو ربي و داه ربي و عوضني ربي ما شاءالله
Hanine :نعرف زوج نسا قالولهم طفل مشوه وزاد لاباس بيه وحدة قالولها معندوش وتش بنادم هدا وحش وزادت طفلة كي لبوبية زيدي شوفي راي تع شحال مطبيب وسقسي ناس دين اذا يجوز فهدي الحالة
Racha :صلي صلاة الاستخارة وشوفي طبيبة وحداخر وربي هو يقيدك عز وجل
Fadila :انا صراتلي في بنتي الاولى بصح خليتها ما طيحتهاش قاتلي الطبيبة انحيهالك تتهناي انا ما حبيتش بالرغم انو كان حملها صعيب ولكن كملت حتى للشهر الثامن زبدتها عاشت يومين وماتت
والحمد لله عوضني ربي سبحانو
Lamis :خالتي كانت تقيلة قالولها وليدك راح يخرج مشوه و غير يزيد يموت قالولها سيني نتي وراجلك باش نطيحوه ماحبش راجلها وقاللهم ايدا كاين خطر عليها نطيحوه ويدا ماكاين حتى خطر ماعليش رانا قابلين بيه كيما مدهولنا ربي ،كي زيدت جابت ولد لاباس بيه ودوك راهو قريب 20سنة راجل الله يبارك ما عندو حتى مرض ؛لا تشوه ،لا والو الله يبارك
لما يكون الجنين مشوه ويشكل خطر على حياة الأم بإجماع الأطباء المختصين فيجب إسقاطه حفاظا على حياة الأم بشكل أولى
ردحذفأحسنت
حذفصراتلي نفس الحكاية وفقدت جنيني في الشهر الثاني نزل لوحده
ردحذف