نصائح وطرق فعالة للتخلص من قشرة الشعر ‏2024

واش قالو النسا في الجزائر على طريقة التخلص من قشرة الرأس؟

واش هي النصائح لي قدموها النسا من تجاربهن في مكافحة القشرة؟ 

شكون كان عندها مشكل القشرة و لقات حل 😩😩

نغسلو صباح،  عشية يولي بيض 

دبرو راسكم مدولي الحل 😒😒

Fatima :شللي بخل التفاح... وإذا ماكانش بالخل الأبيض وإذا ماكانش بالخل العادي ... ديري زوج ملاعق في گأس ماء و دلكي بيه فروة الرأس بعد الغسيل

Nour :انا كنت كيفك سييت كلشي مافادني والو حتى مدلي طبيب شمبوان vavo  تهنيت منها الحمدلله

شريتو 80 الف

Hala:روحي لطبيب ماننصحك بوالو باسكو تهلكي الجلدة تاع راسك راهو مرض ويجي من ستراس

Lina:امشطي بمشط نتاع حطب + مشطة نتاعك تكون شخصية حتى واحد ما يستعملها من غيرك + الماء كي تغسلي بيه ما تديريهش سخون بزاف سيي يكون مائل للبرودة أكثر من انو يكون سخون

Yasmina :انا شريت شامبو نتاع head and shoulders

نتاع النعناع وادا ملقيتيش كاين نفسو بصح تلقايه مكتوب ضد حكة فروة الراس مليح يخفف منها بصح يشيح الشعر

Kamar :عن تجربة كاين شامبوا هايل يتباع في الفارماسي يدير 300 الف بصح فعال من اول استعمال اسمه vechy  اخضر

Batoul :كيتونازول جال

2 خطرات في سمانة تروحلك

Nassima :استعملت كامل انواع الشاملپو من الغالي للرخيس 

ظرك راني بفينوس. هذاك 2en1 لباس ونشلل شعري مليح والتشليلة التالية بخل. ولا خل التفاح حمد الله تهنيت

Lina:انا جربت كل شي ماحبش يروح الا بطريقة تقليدية جدا متخسري دراهمك متعبي روحك قبل تغسليه حطي عليه الخل وامشطيه مليح رح تهبط هذيك القشرة كامل مع في المشطة واغسلي بصابون حجرة  من بعد شومبوا تاع ليبيبي اغسليه مليه وشليه مليح مليح

Farah :شامبو head and shoulders اصلا مخدوم ضد القشرة، راني نغسل بيه من 5 سنين ولا اكثر حمد لله شعري كان يبهدل بالقشرة دوك نقطة بيضة مكاش

Karama :روحي طبيب جلد يعطيك تحاليل يمكن نقص كاش عنصر غذائي ولا فيتامين في جسمك لي يديرلك هكا

Hanine :   إكليل الجبل غليه وديريه في فشفاشة و رشي منو كليوم في شعرك وديري مساج خفيف

Lamis :متغسليش شعرك ب الما سخون هوا لي يدير القشرة

Hadjer :انا عانيت منو و لقيت الحل في خل التفاح واشنو تابليكيه و تباتي بيه حتى غدوة من داك باش تغسليه   ولازم يتوشي فروة الراس ...... ولا اشري كيتوكونازول شومبوان.  كاين كيتودارم ولا فافو  vavo شومبوان

Lamia :Le dernier shampoing  te3 swalis ydir 220

   m'en l'a 1er utilisation 3jebni bzf zedt chrit un 2eme khoft manlkahch

Ibtissam :يقولو الماء الطبيعي لي سكون فيه نسبة كبيرة من الكبريت يكون فالحمامات الطبيعية مفيد جدا والله اعلم

Rahaf :شومبوا فافو عن تجربة  مرتين في الاسبوع لمدة شهر ولا أقل و حبسو بسكو كون تكثر  منو يطيح الشعر و يشيحو،بالنسبة للسعر كان 810 درك رجع 540،و راه رومبورسابل.

Lina :تعرفو المشطة هاديك تاع القمل حاشاكم كي تغسلو شعركم كرطو بيها تساعدكم على ازالة القشرة من فروة الرأس + ديرو قطرات خل التفاح في الماء لي تشللو بيه+ غسلو في البداية بفينوس تحڨروها بصح والله هايلة عن تجربة منبعد غسلو بشامبو الخاص بيكم 

إن شاء الله تستفيدو

Yousra:جربي الملح ديري كمية من الشمبوان في كاس مع ملح وماء خلطيهم و غسلي بيه شعرك ..تنقص بزاف

Hala :شوفي ختي جربت قاع انواع شامبوهات الغاليين شحال من عام وما راحتش حتى درت الحلبة وداومي على الخل في التشليلة الاخيرة مشي مرة ولا زوج شحال عاد باه تبان النتيجة